Genesis 15:9 - Manobo Western Bukidnon OT

⁹ Ne midtavak dutun is Nengazen te, “Uwita nu zini is dumeraǥa he vaka, sevaha he vehiyan he kambing, wey sevaha he meemahan he kerehidu, tigtetelu he tuig is penuiǥen te uman sevaha kandan. Uwit ka zaan dini te sevaha he limuken wey sevaha he merepatik.”

Genesis 15:9 ပူးပေါင်းရင်းမြစ်များ

Genesis 15:10

Ne mid-uwit ni Abram haazà diyà te Nengazen , ne mibpemaas heini ni Abram ne imped-atbang din is kedsevuka zin dutun te kada vaas. Iyan dà wazè din baasa sikan is merepatik wey limuken.

Genesis 15:8

Ne zutun migkaǥi si Abram te, “He Nengazen he Megbevayà, hengkey is tuus wey ku metueni he egkaangken ku heini?”

Genesis 22:13

Dutun te nekelilingey si Abraham, ne neehè din is kerehidu he meemahan he nekesanggat is sungey zin diyà te dezeisey he kayu. Ne migkuwa ni Abraham haazà ne impemuhat din he pemuhat he edtutungen ilis te anak din.

Salmo 50:5

Egkaǥi sikandin te, “Tiguma niw kayi te kediey is metinumanen he menge etew ku he mibaal te kedpekid-uyun kedì pinaaǥi te kebpemuhat.”

Solomon 2:12

Nemekar en is menge vulak diyà te menge pemuleey, ne timpu en heini te kegkanta. Egkezineg en diyà te menge pemuleey is laǥeng te menge merepatik.

Isaias 15:5

Ingkeseeng ku is menge tig-Moab. Mibpelaǥuy is menge etew zutun pehendiyà te Zoar wey Eglat Shelishiya. Midsineǥew sikandan is edtekezeg diyà te Luhit. Is duma kandan nemen-eerang dutun te kedhendiyè dan te Horonaim, tenged te nehitavù kandan.

Leviticus 1:10

Emun kerehidu etawa kambing is ibpemuhat te etew he iyan pemuhat he edtutungen, kinahanglan he meemahan heini he wazè din sazir.

Leviticus 1:14

Emun tagbis is ibpemuhat te etew he iyan pemuhat he edtutungen, kinahanglan he merepatik heini etawa limuken.

Leviticus 1:3

Emun baka is ibpemuhat din he iyan pemuhat he edtutungen, kinahanglan he meemahan heini he wazè din sazir, ne ipemuhat din heini ziyà te ǥemawan te Tulda he Edtelevukaayan, su para zewata sikandin te Nengazen.

Leviticus 12:6

Emun egkeume en is menge andew te kegkehimuwa kandin he lumpiyu puun te kegkehimuwa kandin he meremerik tenged te ked-anak din te maama etawa bahi, ne med-uwit sikandin diyà te memumuhat diyà te ǥemawan te Tulda he Edtelevukaayan te kerehidu he senge-tuig is keǥurang din he pemuhat he edtutungen, wey sevaha he limuken etawa merapatik he pemuhat he para idlumpiyu.

Leviticus 14:22

Ne sumalà te egkehimu zin med-uwit sikandin te zezuwa he merepatik etawa zezuwa he limuken; is sevaha, pemuhat he para idlumpiyu kandin ne is sevaha pa, pemuhat he edtutungen.

Leviticus 3:1

Emun duen ebpemuhat te vaka he meemahan etawa vehiyan he pemuhat he para te meupiya he kedepità, kinahanglan he iyan din ibpemuhat diyà te etuvangan te Nengazen is wazè din sazir.

Leviticus 3:6

Emun kerehidu etawa kambing is ibpemuhat din he para te meupiya he kedepità, meemahan man heini etawa vehiyan, ne kinahanglan he wazè din sazir.

Leviticus 9:2

Migkeǥiyan ni Moises si Aaron te, “Kuwa ka te sevaha he turiti he vaka wey sevaha he meemahan he kerehidu he pudu wazè din sazir, ne ipemuhat nu ziyà te Nengazen. Is baka, pemuhat he para idlumpiyu, ne is kerehidu, pemuhat he edtutungen.

Leviticus 9:4

Megkuwa zaan sikandan te vaka wey meemahan he kerehidu he pemuhat dan para te meupiya he kebpekidepità. Ipemuhat dan heini zuma zuen te pemuhat he para gasa he midsehuǥan te lana, su ǥuntaan he andew ibpaahà te Nengazen is kebpekiduma zin keniyu.”