Genesis 15:7 - Manobo Western Bukidnon OT

⁷ Ne zutun migkaǥi is Nengazen te, “Iyan a sikan is Nengazen . Umbe impehendini ku sikew he ebpuun te inged he Ur te menge Kildiyanhen su wey ku ikeveǥey kenikew heini is tanà wey nu maangken.”

Genesis 15:7 ပူးပေါင်းရင်းမြစ်များ

Genesis 12:1

Ne migkaǥi is Nengazen diyà te ki Abram te, “Ewai nu is inged nu, wey is menge kezuzumahi nu, wey is menge pemilya te amey nu, ne hendiyà ka te inged he ibpeehè ku kenikew.

Genesis 12:7

Ne mibpaahà is Nengazen ki Abram ne ke sikandin te, “Heini is tanà, ne ibeǥey ku ziyà te menge kevuwazan nu.” Ne zutun mibaal si Abram te pemuhatà su ebpemuhaten din is Nengazen he iyan mibpaahà kandin.

Genesis 28:4

Berakat he iveǥey zin kenikew wey te kevuwazan nu is tuvad he imbeǥey zin diyà te apù nu he si Abraham, su wey mehimu heini he kenikew he tanà is neubpaan nu ǥuntaan te sevaha he lumelengyawà. Heini he tanà ne imbeǥey te Megbevayà diyà te ki Abraham.”

Genesis 50:24

Duen timpu he migkaǥi si Jose ziyà te menge suled din te, “Meǥaan en is kebpatey ku, piru kenà egkehimu he kenè kew en edtevangan te Megbevayà. Ne ibpaawè kew zin ded kayi he tanà, ne ibpeulì kew zin diyà te tanà he impesarig din te menge kepuun tew he si Abraham, si Isaac, wey si Jacob.”

Salmo 105:11

Migkaǥi sikandin diyà te kada sevaha kandan te, “Ibeǥey ku kenikew is tanà he Canaan ne egkepengevilin nu heini wey te menge kevuwazan nu.”

Salmo 105:42

Ne mibeelan heini te Megbevayà is langun su wazè din lipati sikan is insaad din diyà te ki Abraham te suluǥuen din.

Salmo 105:44

Ne imbeǥey zin kandan is tanà te zuma he menge etew; ne nesunud dan is hineǥuan te zuma.

Exodus 32:13

Tentunuzi nu is menge suluǥuen nu he si Abraham, si Isaac wey si Jacob; tentenuzi nu is meheǥet he penangdù nu ziyà te kandan he ibeǥey nu kandan is utew mahabet he kevuwazan su ebpekeiring te kahabet te menge vituen diyà te zivavew, ne id-amin nu ibeǥey zutun te menge kevuwazan dan is tanà he ingkepenaad nu he ibeǥey ziyà te kandan, ne egkepengevilin dan haazà te taman te taman.”

Numero 33:53

Engkena niw wey ubpai niw haazà he tanà su ibeǥey ku en haazà keniyu.

Deuteronomio 3:18

“Dutun he timpu mibmenduan ku is menge tribu niw he ziyà ebpen-ubpà te zapit te edsilaan te Wahig he Jordan, he ke siak te, ‘Minsan imbeǥey en heini he tanà diyà te keniyu te Nengazen he Megbevayè niw su wey niw maangken, kinahanglan gihapun he edlayun te Wahig he Jordan is langun he menge sundaru niw he egkeǥumeenan su wey zan megiyahi is duma niw he menge Israilihanen te kebpekidtebek.

Deuteronomio 9:5

Egkaangken niw is menge tanè dan, kenà tenged te ketazeng niw wey keupiya niw, kekenà, tenged te kelelalung dan, wey para metuman te Nengazen is impenangdù din diyà te menge kepuun niw he si Abraham, si Isaac, wey si Jacob.