Genesis 15:12 - Manobo Western Bukidnon OT

¹² Ne hein edsanlep en is andew, Nekelipezeng si Abram he utew nehurep. Ne neǥezam din dutun is utew subra he kegkahandek.

Genesis 15:12 ပူးပေါင်းရင်းမြစ်များ

Genesis 15:11

Ne zutun duen menge dezekelà he zumezaas he menge tagbis he midlatun dutun te mibaas, piru mibuǥew sikandan ni Abram.

Genesis 2:21

Ne tenged dutun impelipezeng te Nengazen he Megbevayà haazà is etew ne hein utew en nehurep, migkuwa zin is sevaha zuen te menge ǥusuk kayi ne midlimeng din haazà is ebpuunan duen te ǥusuk.

Genesis 28:11

Ne hein nekeuma sikandin diyà te sevaha he lugar, ne zutun dà sikandin medhizeǥà te haazà he kezukilemi su midsanlep en is andew. Migkuwa sikandin te vatu, ne mid-ulunè din haazà dutun te kedlipezeng din.

Job 33:15

Ebpekidlalag sikandin pinaaǥi te teǥeinep dutun te egkehurep is etew ke mezukilem.

1 Samuel 26:12

Ne migkuwa ni David kes bangkew wey kes teleǥuey te wahig he zutun te ulunan ni Saul, ne migenat dan. Wazà nekaahà wey netau te neulaula; wazà nepukew kandan tenged te mibpengelinteuwan te Nengazen he utew zan mehurep.