Genesis 15:10 - Manobo Western Bukidnon OT

¹⁰ Ne mid-uwit ni Abram haazà diyà te Nengazen , ne mibpemaas heini ni Abram ne imped-atbang din is kedsevuka zin dutun te kada vaas. Iyan dà wazè din baasa sikan is merepatik wey limuken.

Genesis 15:10 ပူးပေါင်းရင်းမြစ်များ

Genesis 15:11

Ne zutun duen menge dezekelà he zumezaas he menge tagbis he midlatun dutun te mibaas, piru mibuǥew sikandan ni Abram.

Genesis 15:17

Ne midsanlep en is andew ne mibmerusirem en, ne zuen migkivelat he naahà ni Abram he iring te kuzen he ed-evel wey egkeregreg he ziyà mebayà te pid-elangan dutun te mibaas he imped-aatbang.

Genesis 15:9

Ne midtavak dutun is Nengazen te, “Uwita nu zini is dumeraǥa he vaka, sevaha he vehiyan he kambing, wey sevaha he meemahan he kerehidu, tigtetelu he tuig is penuiǥen te uman sevaha kandan. Uwit ka zaan dini te sevaha he limuken wey sevaha he merepatik.”

Leviticus 1:17

Baasa zin haazà is tagbis pinaaǥi te keguyud te menge pakpak kayi he kenè din daan ebpitasen. Ne tutunga zin haazà is tagbis diyà te pemuhatà he iyan en pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen!