Genesis 15:1 - Manobo Western Bukidnon OT

¹ Ne hein neiwas haazà, mibpekidlalag ki Abram is Nengazen , ke sikandin te, “Abram, kenè ka mahandek, su edlevanan ku sikew wey ebeǥayan ku sikew te utew zekelà he suhul.”

Genesis 15:1 ပူးပေါင်းရင်းမြစ်များ

Genesis 15:2

Ne midtavak dutun si Abram te, “Sikew is Nengazen he Megbevayà, wazà igkeveǥey nu kediey he ibmeupiya te ǥehinawa ku su kenè bes egkehimu he egkevuwad a, ne iyan ebpekepengevilin te menge azen ku si Eliezer he tig-Damascus.”

Genesis 15:4

Ne zutun midtavak kandin is Nengazen , ke sikandin te, “Kenà iyan heini si Eliezer ebpekepengevilin su iyan dà ebpekepengevilin te menge azen nu is hustu en he anak nu.”

Genesis 21:17

Piru nezineg te Megbevayà is ked-erang te vatà. Umbe migkaǥi is belinsuǥuen te Megbevayà diyà te langit te, “Hagar, hengkey is idsineǥew nu? Kenè ka mahandek! Nezineg te Megbevayà is ked-erang keniyan te anak nu.

Genesis 22:1

Midlavey is nepipira he tuig ne neuma is timpu he migezaman si Abraham te Megbevayà. Migkeǥiyan sikandin te Megbevayà te, “Abraham!” Ne midtavak si Abraham te, “Hengkey!”

Genesis 22:20

Midlavey zutun is timpu, ne nezineg ni Abraham is tudtul te zuen en menge anak te hazi zin he si Nahor ziyà te ki Milca.

Genesis 26:24

Dutun te haazà he kezukilemi te kebpekeuma zin diyà, mibpaahà kandin is Nengazen he egkaǥi te, “Iyan a kes Megbevayà te amey nu he si Abraham. Kenè ka mahandek su iyan a zuma nu. Edtuvazan ku sikew ne edhimuwen ku he utew medmezakel is menge kevuwazan nu tenged te suluǥuen ku he si Abraham.”

Genesis 31:7

piru midterteruan e zin pa. Kesepulù din en helina is paaǥi zin te kedsuhuli kedì. Piru wazà ituǥut te Nengazen he mezaagdaag e zin.

2 Hadì 1:15

Ne zutun mid-umanan keǥiyi si Elias te velinsuǥuen te Nengazen te, “Kenè ka mahandek. Duma ka kandin.” Ne midhitindeg si Elias ne miduma pehendiyà te hadì.

1 Cronica 28:20

Migkeǥiyan daan ni David is anak din he si Solomon, “Mebpekelig-en ka wey mebpekevurut ka. Puuni nu en is kebpeterebahu. Kenè ka mahandek wey mebmeluya, su is Nengazen he Megbevayà, he Megbevayè ku, eduma kenikew. Kenè ke zin ed-ewaan wey ebey-anan taman te egkepasad is langun he terebahu para te valey te Nengazen.

Salmo 119:114

Iyan ka elesè ku wey endilungè ku; midsarig a te lalag nu.

Salmo 142:5

Ebpengum-umawen ku sikew, Nengazen; iyan ka ebpengalang kedì. Iyan ke zà utew egkinehenglanen ku kayi te kelibutan.

Salmo 18:2

Iyan ka, Nengazen, batu he endilungè ku, melig-en he elesè ku wey menluluwas. Iring ka te elesà he vatu, he ed-eles a ziyà te kenikew. Iyan ka kelasag ku, mekeǥeǥehem he menluluwas, wey eputà.

Salmo 27:1

Is Nengazen iyan kerayag ku, menluluwas ku, wey eputè ku, umbe wazà ereg he igkahandek ku.

Salmo 3:3

Piru is tutuu, iring ka te kelasag he ebpengalang kedì. Iyan ka ebeǥey kedì te kezeeǥan wey kelig-en.

Salmo 3:4

Ed-umawen ku sikew, Nengazen, ne edtevaken a kenikew ziyà te segradu he vuvungan nu.

Salmo 5:12

Edtuvazan nu, Nengazen, is menge metazeng. Is kebmahala nu kandan ne iyan nehimu he kelasag dan he kenà egkezeetan.

Salmo 58:11

Dutun ebpekekaǥi is menge etew te, “Tutuu iyan he zuen suhul te menge metazeng; ne zuen Megbevayà he edhukum te menge etew kayi te kelibutan.”

Salmo 84:11

Su sikew, is Nengazen he Megbevayà, iring ka te andew he ebpeketayew, wey te kelasag he egkehimu he pengalang. Ebeǥey ka te pebur wey zengeg. Kenè nu idsekel is minsan hengkey he meupiya ziyà te nengungubpaan he wazà duen igkesawey.

Salmo 84:9

He Megbevayà, peburi nu is kelasag dey he iyan is hadì dey he mibpilì nu.

Salmo 91:4

Edlekupan ke zin iring te piyak ne wazà ebpekekaid kenikew. Is kebmetinumanen din iyan kelasag nu wey pengalang nu.

Exodus 14:13

Ne midtavak si Moises te, “Kenè kew mahandek. Pekelig-en kew ne egkeehè niw is paaǥi te Nengazen te kedlibriya zin keniyu ǥuntaan he andew. Su heini is menge Ehiptohanen he egkeehè niw ǥuntaan, ne kenè niw en sikandan egkeuman egkaahà.

Erubasa 11:18

Is lalung he etew, kunaan din ke meupiya is suhul kandin, iyan, meupiya mulà is suhul te etew he meupiya is menge ulaula zin.

Erubasa 30:5

Is kada lalag te Megbevayà ne egkeseriǥan utew. Iring sikandin te kelasag te menge etew he ed-aput diyà te kandin.

Isaias 35:4

Kegiyi niw is menge egkahandek te, “Mebpekelig-en kew wey kenè kew mahandek. Ebpekeuma is Megbevayè niw su ebelesan din is menge kuntada niw, ne edlibriyen kew zin.”

Isaias 40:10

Uya, nekeume en is Nengazen he MEGBEVAYÀ he mekeǥeǥehem, ne edhadì sikandin he mekeǥeǥehem. Ebpekeuma sikandin he ed-uwit te suhul he para te menge etew zin.

Isaias 41:10

Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.

Isaias 41:14

Minsan deisey ka wey meluya, kenè ka mahandek su iyan a mismu edtavang kenikew. Iyan a, is Nengazen, is migkaǥi kayi. Iyan a menluluwas nu, is waǥas he Megbevayà te Israel.

Isaias 43:1

Piru ǥuntaan iyan heini egkeǥiyen te Nengazen, he midlimbag kenikew, He Israel: “Kenè ka mahandek su edlibriyen ku sikew, ngazan nu is in-umew ku kenikew, ne ǥaked ku sikew.

Isaias 43:5

Kenè ka mahandek su zuma a kenikew. Edtiǥumen ku is menge kevuwazan nu puun te edsilaan wey edsenlepan.

Isaias 44:2

Iyan a Nengazen, iyan a midlimbag kenikew wey midtavang kenikew. Kenè ka mahandek, is suluǥuen ku wey pinilì ku he menge etew.

Isaias 44:8

Kenè kew mahandek wey kulbai. Kenè be impezayag ku en keniyu zengan is menge tuyù ku keniyu? Ne iyan kew mismu menge tistiǥus ku is menge Israilihanen. Duen pe be selakew en he Megbevayà gawas kedì? Wazè en! Wazè en netuenan ku he endilungà he vatu gawas kediey.”

Isaias 51:12

Midtavak is Nengazen te, “Iyan a midasig wey midlipey keniyu. Ne maan is egkahandek kew te menge etew zà duen he ebpatey iring te sagbet?

Jeremias 39:17

Piru edlibriyen ku sikew zutun he timpu. Kenè ku sikew ibeǥey ziyà te menge etew he igkahandek nu.

Penhulùhulù 3:24

Nekekaǥi a ziyà te ǥehinawa ku te, “Is Nengazen iyan utew zekelà kayi te kediey, umbe ebperateng a kandin.”

Ezekiel 1:1

Iyan a si Ezekiel, sevaha a he memumuhat ne anak a ni Buzi, wey sevaha a te menge mibihag pehendiyà te Babilonia. Duen andew he zutun diyà a te veyvey te Wahig he Kebar zuma te zuma he menge vinihag, ne neehè ku he nepuwasan is langit ne midumala a te ǥehem te Nengazen. Ne zutun duen impelewasan din kediey. Nehitavù heini hein ikelima he andew te ikeepat he vulan te ike-30 he tuig. Iyan heini timpu te ikelima he tuig te kegkevihaǥa ki Hadì Jehoyakin.

Ezekiel 11:24

Ne pinaaǥi te kebpelewasa kedì te Mulin-ulin te Megbevayà nelewasan ku he mibitbit e zin ne mid-uwit e zin diyà te menge vinihag diyà te Babilonia. Ne netapus is nengelewasan ku mehitenged te Jerusalem.

Ezekiel 3:4

Ne migkeǥiyan e zin te, “Sikew is etew, genat kad pehendiyà te menge etew te Israel ne keǥiya nu is menge lalag ku ziyà te kandan.

Numero 12:6

migkaǥi is Nengazen te, “Pemineǥa niw heini: Emun duen ku ebpeneuven diyà te keniyu, ne ebpekidlalag a kandin pinaaǥi te ibpelewasan ku wey ibpeteǥeinep ku.

Numero 18:20

Migkaǥi pa is Nengazen diyà te ki Aaron te, “Sikiyu is menge memumuhat, wazè niw egkepengevilin he tanà te Israel, su iyan a mismu ebeǥey te menge kinehenglanen niw.

Numero 24:4

Nezineg ku is menge lalag te Megbevayà, wey zuen nelewasan ku he impelewasan kediey te Mekeǥeǥehem he Megbevayà. Mibpekevava a ziyà te etuvangan din, ne impesavut e zin. Ne iyan heini menge lalag ku:

Deuteronomio 18:2

Kenè dan iring te menge zuma zan he menge Israilihanen su wazà mulà tanà he egkepengevilin dan; Nengazen is kandan he egkepengevilin sumalà te insaad din kandan.

Deuteronomio 31:6

Mebpekezesen kew wey mebpekevurut kew. Kenè niw sikandan ikahandek su zuma niw is Nengazen he Megbevayè niw; kenè kew zin ed-ewaan wey ed-iniyuǥan.”

Ruth 2:12

Berakat he suhuli ka te Nengazen tenged te meupiya he mid-ulaula nu. Berakat he utew lavew is kedtuvazi kenikew te Nengazen he Megbevayà he Megbevayà te Israel, su mid-aput ka zini te kandin.”

1 Samuel 15:10

Dutun he timpu migkeǥiyan te Nengazen si Samuel te,

1 Samuel 9:9

Migkeǥiyan ni Saul sikandin te, “Meupiya utew! Kuwa ke en, edhendiyè ki te ebpeneuven.” (Te nehuna en he menge penahun te Israel, emun duen etew he egkesuat he ebpekezineg te lalag he ebpuun te Megbevayà, egkaǥi te, “Kuwa ke en, edhendiyè ki te menenagnà,” su is egngezanan guntaan te ebpeneuven ne iyan ngazan din dengan is menenagnà.) Midhendiyà si Saul wey kes suluǥuen te inged he zutun med-ubpà kes ebpeneuven te Megbevayà.