Genesis 14:5 - Manobo Western Bukidnon OT

⁵ Ne zutun te ike-14 he tuig, mibpengayew si Kedorlaomer wey is menge zuma zin he hadì, ne midtebek dan wey nengezaag dan is menge Ripanhen diyà te Ashterot Karnaim, is menge Zuzhanen diyà te Ham, is menge Emhanen diyà te menge suǥud te Kiryataim,

Genesis 14:5 ပူးပေါင်းရင်းမြစ်များ

Genesis 14:4

Su heini is lelima he hadì, dutun he timpu, 12 he tuig, ne menge sakup sikandan ni Kedorlaomer, iyan, dutun te ike-13 he tuig ne midsukul sikandan.

Genesis 15:20

menge Hitihanen, menge Pirisihanen, menge Ripanhen,

2 Samuel 23:13

Sevaha zutun he timpu te ting-eǥani, midhendiyà te ki David haazà is tetelu he sakup din duen te surung te Adulam. Heini is tetelu he etew, ne zuma heini sikandan te 30 he mevurut he menge sakup ni David. Dutun he timpu ne ziyà megkampu haazà is menge Filistihanen te Suǥud he Refaim

2 Samuel 5:18

Dutun, migkampu is menge Filistihanen diyà te menge Suǥud he Refaim.

2 Samuel 5:22

Midlikuan te menge Filistihanen haazà is Suǥud he Refaim ne migkampu zan dutun.

1 Cronica 11:15

Ne sevaha he andew, midhendiyà te ki David haazà is tetelu he sakup din duen te surung te Adulam. Heini is tetelu he etew, ne zuma heini sikandan te 30 he menge mevurut he menge sakup ni David. Dutun he timpu ne ziyà megkampu haazà is menge Filistihanen te Suǥud he Refaim

1 Cronica 14:9

Dutun, midsurung te menge Filistihanen is Suǥud he Refaim.

1 Cronica 4:40

ne neketuredu zan te utew merapung wey meupiya he ebpepenebtavan. Meluag heini wey melinew he lugar. Dutun dengan med-ubpà is menge kevuwazan ni Ham.

Salmo 105:23

Ne midhendiyà ensi Jacob te Ehipto he iyan kes tanà te menge kevuwazan ni Ham, ne mid-ubpà sikandan dutun he menge lumelengyawà.

Salmo 105:27

Ne impeehè dan diyà te tanà te menge kevuwazan ni Ham is egkein-inuwan he menge vaal te Megbevayà.

Salmo 78:51

Mibpenhimetayan din is langun he penganey he menge anak he maama diyà te Ehipto, he iyan kes menge kevuwazan ni Ham.

Isaias 17:5

Egkeiring is Israel te pemuleey he is menge pungu zuen midlegtey en te ebpemenraǥun, iring te pemuleey ziyà te Suǥud he Refaim he netevasan.

Jeremias 48:1

Iyan heini migkaǥi te Nengazen he Mekeǥeǥehem, he Megbevayà te Israel, mehitenged te Moab: “Mekehizuhizu is menge tig-Nebo su edezeetan heini. Egkepeel-elezan wey ebihaǥen is menge tig-Kiriataim, ne egkengetempag is menge eputà dan he metikang he lugar.

Jeremias 48:23

Kiriataim, Bet Gamul, Bet Meon,

Numero 32:37

Is tribu ni Reuben mid-umanan dan benguna is menge inged he Heshbon, Eleale, wey Kiriataim

Deuteronomio 1:4

Neulaula heini hein neipus is kegkezaaǥa ni Moises ki Sihon he hadì te menge Amorihanen, he ziyà ed-ubpà te Heshbon, wey ki Og is hadì diyà te Bashan, he ed-ubpà diyà te Ashtarot wey Edrei.

Deuteronomio 3:11

(Si Hadì Og he hadì te Bashan iyan dà nesamà te menge kevuwazan te menge Ripanhen. Is putew he hizeǥaan din, 13 he ǥiek is kelayat din ne 6 he ǥiek is keluag din. Ne kemulu pa heeyan egkaahà diyà te Raba guntaan he inged te menge Amunihanen.)

Deuteronomio 3:13

Ne is nesamà he parti te Gilead wey is tivuuk he Bashan, he iyan ginhedian ni Og, imbeǥey ku is ketengà he tribu ni Manase. (Is tivuuk he Argob diyà te Bashan, egngezanan dengan te tanà te menge Ripanhen.)

Deuteronomio 3:20

Emun egkaangken en te zuma niw he menge Israilihanen is tanà he leyunè niw he ibeǥey kandan te Nengazen he Megbevayè niw, ne emun pinaaǥi kandin ne wazè en igkaawan dan iring te mibeelan din diyà te keniyu, ne egkehimu en he edlikù kew ziyà te tanà he imbeǥey ku keniyu.’

Deuteronomio 3:22

Kenè kew mahandek kandan, su iyan is Nengazen he Megbevayè niw ebpekidtebek para keniyu.’

Josue 12:4

Is ikezuwa ne iyan si Og, is hadì diyà te Bashan. Sevaha sikandin te nesamà he menge kevuwazan te menge Ripanhen. Meǥinged sikandin diyà te Ashtarot wey ziyà te Edrei.

Josue 13:12

Ragkes daan is tivuuk he ginhedian ni Og, he midhadì diyà te Ashtarot wey ziyà te Edrei. Si Og, ne sevaha te nesamà te menge kevuwazan te menge Ripanhen he midaag ni Moises ne midsegseg din sikandan puun te tanè dan.

Josue 13:19

Kiriataim, Sibma, Zeret Shahar (he ziyà te vuvungan te menge suǥud),

Josue 13:31

Ragkes kayi is ketengà te Gilead, wey is Ashtarot wey Edrei, he menge dezekelà he inged diyà te Bashan he ginhedian ni Og. Iyan heini tanà he imbeǥey ziyà te ketengà te menge kevuwazan ni Makir te anak ni Manase, he mibahin diyà te kada pemilya zan.

Josue 9:10

wey is langun he mibeelan din duen te zezuwa he Amorihanen he hadì he ziyà dapit te edsilaan he iyan si Hadì Sihon he hadì te Heshbon, wey si Hadì Og he hadì te Bashan he ed-ubpà diyà te Ashtarot.