Genesis 14:2 - Manobo Western Bukidnon OT

² Heini is menge hadì, ne midtebek dan ki Hadì Bera he hadì te Sodom, ki Hadì Birsha he hadì te Gomora, ki Hadì Shinab he hadì te Adma, ki Hadì Shemeber he hadì te Zeboyim, wey te hadì te Bela he iyan daan inged he Zoar.

Genesis 14:2 ပူးပေါင်းရင်းမြစ်များ

Genesis 10:19

Is dulunà te menge tanè dan diyà te zivavà, puun te Sidon pehendiyà te Gerar ne nekeuma heini ziyà te Gasa. Is dulunà diyà te edsilaan nekeuma ziyà te Sodom, Gomora, Adma, wey Zeboyim taman te Lasha.

Genesis 13:10

Ne zutun mibpememantew si Lot ne neehè din he utew meupiya haazà is tanà he uvey te Suǥud he Jordan su mezakel is menge wahig dutun te zapit te inged he Zoar. Iring haazà te pemuleey te Eden sikan is pemuleey zengan te Nengazen wey iring daan te tanà he Ehipto. (Ne zutun he timpu wazè pa dèdeeti te Nengazen is menge inged he Sodom wey Gomora.)

Genesis 13:12

Ne si Abram, diyà sikandin med-ubpà te tanà he Canaan; ne si Lot mulà, diyà sikandin med-ubpà te menge inged diyà te menge suǥud he uvey te Sodom ne zutun ne ziyè din benguna is menge tulda zin.

Nehemias 11:34

Hadid, Zeboim, Nebalat,

Isaias 15:5

Ingkeseeng ku is menge tig-Moab. Mibpelaǥuy is menge etew zutun pehendiyà te Zoar wey Eglat Shelishiya. Midsineǥew sikandan is edtekezeg diyà te Luhit. Is duma kandan nemen-eerang dutun te kedhendiyè dan te Horonaim, tenged te nehitavù kandan.

Jeremias 48:34

Is erang te menge tig-Heshbon taman en is kegkezineǥa zuen diyà te Eleale wey Jahaz. Is erang te menge tig-Zoar, taman en is kegkezineǥa zuen diyà te Horonaim wey Eglat Shelishiya. Su minsan is wahig he Nimrim nemezahan en.

Hoseas 11:8

“Sikiyu is menge tig-Israel, kenè ku egkehimu is kedselikwey wey kebey-ani keniyu. Kenè ku egkehimu is kebpurungi kedezeeti keniyu iring te mibeelan ku ziyà te inged he Adma wey Zeboyim. Utew ebmesakit is gehinawa ku emun ebeelan ku heini ziyà te keniyu. Nehizuwan ku sikiyu.

Deuteronomio 29:23

Is tivuuk he tanè niw egkeiring te disirtu he netembunan te esupri wey timus. Wazà ebpemula kayi he tanà su kenà edtuvuan te pinemula. Egkezeetan heini iring te kegkezeeti te Sodom wey Gomora, Adma wey Zeboyim he midezeetan te Nengazen tenged te utew zin kegkepauk.

Deuteronomio 34:3

is Negev, wey is tivuuk he tanà he ebpuun te Suǥud te Jerico (sikan is mahabet is palma zuen) taman te Zoar.

1 Samuel 13:18

Is ikezuwa ne ziyà mebayà te Bet Horon, ne is iketelu ne ziyà mebayà te dulunà he egkepantew ta is suǥud-suǥud te Zeboim he zapit te sibsivayan.