Genesis 14:17 - Manobo Western Bukidnon OT

¹⁷ Ne zutun te ed-ulì en si Abram he ebpuun te kedeeǥa zin ki Kedorlaomer wey is menge zuma he hadì, midsinuǥung sikandin te hadì te inged he Sodom. Diyè din sinuǥunga te Suǥud he Shave he egngezanan daan te Suǥud te Hadì.

Genesis 14:17 ပူးပေါင်းရင်းမြစ်များ

Genesis 14:1

Ne iyan haazà timpu he iyan si Hadì Amrafel he hadì te Shinar, si Hadì Arioc he hadì te Elasar, si Hadì Kedorlaomer he hadì te Elam, wey si Hadì Tidal he hadì te Goyim.

Genesis 14:10

Ne haazà is Suǥud he Sidim, mezakel is menge vudsi zutun he nepenù te merumiket he espaltu. Ne nengezaag is menge sundaru te hadì te Sodom wey Gomora, ne hein mibpelaǥuy zan, nengeulug is duma kandan diyà te menge vudsi, is duma, ne mibpelaǥuy zan diyà te menge vuvungan.

Genesis 14:5

Ne zutun te ike-14 he tuig, mibpengayew si Kedorlaomer wey is menge zuma zin he hadì, ne midtebek dan wey nengezaag dan is menge Ripanhen diyà te Ashterot Karnaim, is menge Zuzhanen diyà te Ham, is menge Emhanen diyà te menge suǥud te Kiryataim,

2 Samuel 18:18

Hein uuyag pa si Absalom ne mibpehitindeg sikandin te munyumintu para te keugelingen din diyà te Suǥud te Hadì, su wazè din anak he maama he ebpekeuwit te ngazan din. Migngezanan din haazà te “Munyumintu ni Absalom,” ne iyan ded heini ngazan din taman guntaan.

Erubasa 14:20

Is etew he egkeey-eyuwan, minsan is siringan din, ne kenà edsegseǥipà kandin, iyan, mahabet mulà is emiǥu te sepian he etew.

Erubasa 19:4

Tenged te kesepian te etew egkehimu he mahabet is menge emiǥu zin, ne tenged daan te kegkeey-eyuwi te etew, ed-engkezan sikandin te menge emiǥu zin.

Zatù 11:34

Ne hein mid-ulì si Jefta ziyà te Mizpa, midsinuǥung sikandin te anak din he vahi he ebpurung dà edsayewsayew is edtukar te tamburin. Budtung sikandin he anak ni Jefta.

1 Samuel 18:6

Hein nepatey en ni David si Goliat ne nen-ulì is menge Israilihanen ne midsinuǥung si Saul te menge vahi he ebpuun te langun he inged he sakup te Israel. Melipayen dan he ebpemenganta wey edsesayew he zuen tamburin wey menge lira.