Genesis 14:13 - Manobo Western Bukidnon OT

¹³ Duen sevaha he tig-Sodom he nekepelaǥuy, ne midhendiyà sikandin te Hebriyuhanen he si Abram ne impenudtul zin haazà is langun he neulaula. Dutun he timpu, ziyà si Abram med-ubpà te uvey te menge kayu he ulayan ni Mamre te Amorihanen. Heini si Mamre wey is menge suled din he si Iskul wey si Aner ne neupakat sikandan engki Abram.

Genesis 14:13 ပူးပေါင်းရင်းမြစ်များ

Genesis 10:16

Kepuun daan si Canaan te menge Jebusihanen, menge Amorihanen, menge Girgasihanen,

Genesis 13:18

Ne zutun inhalin ni Abram is tulda zin, ne ziyà sikandin med-ubpà te uvey te menge kayu he ulayan ni Mamre he ziyà te Hebron, ne mibaal sikandin te pemuhatà para te Nengazen.

Genesis 14:24

Kenè ku edewaten is minsan hengkey he para zà kedì. Iyan dà edewaten ku is nekaan en te menge sakup ku, kenè ku en id-ulì kenikew, ne iveǥey nu zaan is bahin te menge midtavang kediey he si Eshcol, si Aner, wey si Mamre.”

Genesis 18:1

Ne mid-uman mebpaahà is Nengazen ki Abraham diyà te uvey te menge kayu he ulayan ni Mamre. Hein ebmeudtu zutun is andew, ebpimpinuu si Abraham diyà te ǥemawan te tulda zin.

Genesis 21:24

Ne midtavak si Abraham te, “Ebpenangdù a kenikew.”

Genesis 21:27

Ne zutun mid-uwit ni Abraham is menge kerehidu wey vaka ne imbeǥey zin ki Abimelec ne midhimu sikandan is dezuwa te kesebutan.

Genesis 21:32

Hein nepasad dan haazà is kesebutan dan diyà te Beersheba, migenat en si Abimelec duma ki Ficol, is pengulu te menge sundaru zin, ne mid-ulì dan diyà te tanè dan te menge Filistihanen.

Genesis 39:14

ne mid-umew zin is menge suluǥuen din, he egkaǥi te, “Ahaa niw man heini! Mid-uwitan kiw kayi te esawa ku te Hebriyuhanen para mepeel-elezi kiw. Kunaan niw vuwa, midseled sikandin kayi te ruǥu ku su edleyuǥen e zin, piru nengulahì a.

Genesis 40:15

Migebpaan a puun te inged dey te menge Hebriyuhanen, ne wazà salè ku he zait he igkepirisuwa kedì.”

Genesis 41:12

Duen duma zey ziyà he kenakan he Hebriyuhanen, he suluǥuen te kepitan te menge vantey te turuǥan. Midtudtul zey kandin is menge teǥeinep dey ne midseysey zin kenami is kehuluǥan dutun.

Genesis 43:32

Impedsisivey zan is egkeenan: is egkeenan ni Jose, is egkeenan te menge suled din, wey is egkeenan te menge etew zutun he tig-Ehipto. Su is menge tig-Ehipto kenè dan ebpekidtuǥen te menge Hebriyuhanen su utew haazà supak te menge vetasan dan.

Job 1:15

ne midtik-awan key surunga te menge Sabyanhen. Mibpen-uwit dan is menge uyaǥen nu, ne mibpenhimetayan dan is menge suluǥuen nu. Ne sebsevaha ku zà te nekepelaǥuy para te kedtudtul kenikew.”

Exodus 2:11

Ne sevaha he andew, hein dekelè en si Moises, midhendiyà sikandin te lugar he zutun is menge zuma zin he menge Hebriyuhanen, ne neehè din is kemereǥenan dan. Neehè din is sevaha he Ehiptohanen he mibuǥel zin is sevaha he Hebriyuhanen he kezuzumahi ni Moises.

Exodus 2:6

Mibpuwasan din haazà ne neehè din sikan is batà. Mid-eerang haazà ne nehizuwan din. Ke sikandin te, “Sevaha heini te menge anak te Hebriyuhanen.”

Exodus 3:18

“Ne ebpemineg kenikew is menge edumala te menge Israilihanen. Ne zumaha nu sikandan diyà te hadì te Ehipto ne keǥiyi niw sikandin te, ‘Is Nengazen, is Megbevayà he ed-ezapen te menge Hebriyuhanen, nekidhinguma kenami. Umbe tuǥuti key te kedhipanew seled te tetelu he andew su edhendiyè key te sibsivayan su ebpemuhaten dey is Nengazen he Megbevayè dey.’

Jeremias 34:9

Mibmandù si Zedekia he is minsan hentei he zuen din menge uripen he Hebriyuhanen, maama etawa vahi, kinahanglan he veǥayi zan sikandan te vayàbayà. Wazà Judio he ed-uripen te iring din he Judio.

Jonas 1:9

Ne ke si Jonas te, “Hebriyuhanen a ne iyan ed-ezapen ku is Nengazen, is Megbevayà diyà te langit he iyan midlimbag te zaǥat wey tanà.”

Numero 13:23

Ne hein nekeuma zan diyà te zal-ug he Eshcol, midtamped sikandan te sengerupung he paras, ne utew heini meveǥat umbe midtival haazà te zezuwa he etew. Mid-uwit daan sikandan te menge prutas he pumigranata wey higus.

Numero 21:21

Ne midsuǥù is menge Israilihanen te menge menunudtulà diyà te ki Sihon he hadì te menge Amorihanen. Iyan heini tudtul he uwiten dan:

1 Samuel 29:3

Ne zutun mid-insaan te menge peremandar te menge Filistihanen si Akish te, “Hengkey ves is ebeelan kayi te menge Hebriyuhanen?” Midtavak si Akish te, “Iyan heini si David he upisyal ni Hadì Saul he hadì te Israel. Subre en he senge-tuig is kebpekeduma zey wey puun dà te ked-awè din diyà te ki Saul taman guntaan ne wazà neehè ku he mezaat he mibeelan din.”

1 Samuel 4:12

Dutun he andew te tebek, duen sevaha he etew he nekepelaǥuy he sakup te pemilya ni Benjamin ne mibpehendiyà te Shilo. Mibindas din is kumbalè din, ne mibukbukan din is ulu zin te eliyavuk he tuus te utew mesakit is gehinawa zin.