Genesis 13:8 - Manobo Western Bukidnon OT

⁸ Ne migkaǥi zutun si Abram diyà te ki Lot te, “Kenè ki edtebek ne kenà kinahanglan he ebpekedtebek is menge bekidu ta su enaken ku sikew.

Genesis 13:8 ပူးပေါင်းရင်းမြစ်များ

Genesis 13:9

Meupiya pa ke ebpesuwayè ki, su mezakel pa is lugar he egkehelinan, ne pilì ka, ke hendei is egkesuatan nu, emun iyan ebpilien nu is dapit te egkeǥivang ne ziyà a edhalin te zapit te egkekewanan. Piru ke iyan ebpilien nu is dapit he egkekewanan, ne ziyà a te zapit te egkeǥivang.”

Genesis 14:14

Ne hein nezineg ni Abram he nevihag is enaken din, midtiǥum din is 318 he sakup din he egkeseriǥan din. Heini sikandan, menge sakup din puun pa te ked-enaka kandan, ne miduma zin sikandan, ne midal-as dan sikan is heepat he hadì taman te inged he Dan.

Genesis 45:24

Ne hein impeǥenat din is menge suled din, ke sikandin te, “Kenè kew mebpeeg-eǥetà diyà te zalan.”

Genesis 46:34

kinahanglan he medtavak kew, ke sikiyu te, ‘Sikami is menge suluǥuen nu, menge bekidu key; puun dà te kedekdekelè dey su iyan daan heini ulaula te menge ginikanan dey.’ ” Ne ke si Jose te, “Dutun edtuǥutan kew zin he ed-ubpà diyà te tanà he Goshen, su is menge Ehiptohanen utew zan egkeepesi is minsan hentei he menge bekidu te menge uyaǥen.”

Salmo 133:1

Utew meupiya he ed-ahaan is menge etew te Megbevayà he ebpengungubpaan he egkesevaha.

Exodus 2:13

Ne hein sunud he andew, mid-uman medhipanew sikandin ne neehè din is dezuwa he Hebriyuhanen he ebpetebekà. Ne migkeǥiyan din sikan is mibaal te mezaat te, “Maan is ebpesekitan nu heeyan is duma nu he Hebriyuhanen?”

Erubasa 15:1

Is menayù he kedtavak, ebpekepevehew te pauk, iyan, is hangger he kedtavak, ebpekepeiseg te pauk.

Erubasa 15:18

Is etew he melemu egkepauk, egkehimu he hinungdan te kesevaan, iyan, is etew he mepelevayen, ebpekehusey te egkesavà.

Erubasa 20:3

Egkezeliǥan is etew he edlikey te samuk; is tulebung he etew egkesuat te samuk.

Zatù 9:26

Dutun he timpu, si Gaal he anak ni Ebed midhendiyà te Shekem duma te menge suled din. Ne midsarig kandan is menge tig-Shekem.