Genesis 13:2 - Manobo Western Bukidnon OT

² Utew en sepian si Abram su utew mezakel is menge ayam din wey mezakel is menge azen din he pelata wey vulawan.

Genesis 13:2 ပူးပေါင်းရင်းမြစ်များ

Genesis 12:16

Tenged ki Sarai mibpurungan dutun te hadì si Abram, ne mibeǥayan din si Abram te menge vaka, kerehidu, menge asnu he vehiyan wey meemahan, wey menge kemilyu, wey menge uripen he vahi wey maama.

Genesis 13:6

Ne tenged kayi kenà ereg is tanà he egkepenebtavan te langun he menge ayam dan ki Abram. Ne tenged te utew mezakel is menge sakup dan wey menge ayam dan, kenè en egkehimu he ebpeemurè dan dutun te tanà he ed-ubpaan dan.

Genesis 24:1

Utew en meǥurang dutun si Abraham, ne midtuvazan sikandin te Nengazen diyà te langun he menge vaal zin.

Genesis 24:35

Midtuvazan sikandin te Nengazen, ne utew zekelà is ketiǥeyunan din guntaan. Mibeǥayan sikandin te Nengazen te menge kerehidu, menge kambing, menge vaka, menge kemilyu, menge asnu, menge pelata, menge vulawan, wey menge suluǥuen he maama wey vahi.

Genesis 26:14

Neima kandin is menge Filistihanen su utew mezakel is menge kerehidu zin, kambing, baka, wey menge suluǥuen din.

Genesis 30:43

Pinaaǥi kayi, midsepian utew si Jacob. Ne utew midmezakel is menge uyaǥen din ragkes is menge kemilyu wey menge asnu. Mezakel zaan is menge suluǥuen din he menge maama wey vahi.

Job 1:10

Idlikey nu te kezeetan sikandin wey is pemilya zin, ragkes en is langun he menge azen din. Edtuvazan nu is langun he ebeelan din, umbe mibmahabet is menge uyaǥen din diyà te tivuuk he tanà.

Job 1:3

Duen din 7,000 he menge kerehidu, 3,000 he menge kemilyu, 500 he paris he vaka, wey 500 he menge vehiyan he menge asnu. Ne zuen din daan mahabet he menge suluǥuen. Iyan sikandin pinekesepian te langun he menge etew ziyà te zapit te edsilaan te Israel.

Erubasa 10:22

Ebpekepesepian te etew is kedtuvazi kandin te Nengazen, ne kenà heini egkekuwa pinaaǥi te subra he kebpenigudu.

Deuteronomio 8:18

Piru tentenuzi niw he iyan is Nengazen he Megbevayè niw mibeǥey keniyu te ebilidad he insepian niw, ne mibeelan din heini su para metuman din is kebpekid-uyun din keniyu he impenangdù din diyà te menge kepuun niw. Ne edtumanen din en heini ǥuntaan.

1 Samuel 2:7

Edhimuwen din is duma he pubri, ne is duma, ibpesepian din. Ibpekevavè din is duma, wey ibpemetikang din is duma.