Genesis 13:1 - Manobo Western Bukidnon OT

¹ Ne mid-awà ensi Abram dutun te Ehipto ne midlikù diyà te tanà he egngezanan te Negev, duma is esawa zin. Ne mid-uwit dan is langun he ketiǥeyunan dan. Ne miduma zaan kandan si Lot.

Genesis 13:1 ပူးပေါင်းရင်းမြစ်များ

Genesis 20:1

Ne zutun midlaus medhipanew ensi Abraham ne midhendiyè dan te tanà he Negev. Ne ziyè dan med-ubpà te pid-elangan te inged he Kadesh wey Shur. Ne hein neuǥet midhalin si Abraham diyà te inged he Gerar.

Genesis 21:33

Mibpemula si Abraham te sengepuun he kayu he tamarisko ziyà te Beersheba ne mid-azap din dutun is Nengazen, he iyan kes wazà pidtemanan he Megbevayà.

2 Samuel 24:7

Ne midhendiyè dan te vinerengbeng he inged he Tyre wey langun he menge inged te menge Hitihanen wey Canaanhen. Ne te neipus dan dutun, midhendiyè dan te Beersheba, he zapit te zivavà te Juda.

Numero 13:17

Hein wazè pa sikandan ipeǥenat ni Moises su wey zan mekepeniid diyà te Canaan, migkeǥiyan din sikandan te, “Hipanew kew pehendiyà te zizaya ne hendiyè kew te Negev.

Josue 10:40

Umbe, naaǥew ni Josue is tivuuk he tanà–is menge vuvungan, is Negev, is menge mibuntud-buntud diyà te edsenlepan, wey is lugtenaan te menge vuvungan. Nezaag din is menge hadì kayi, wazà nesamà he uuyag. Mibpenhimetayan dan is langun sumalà te insuǥù te Nengazen he Megbevayà te Israel.

Josue 18:5

Kinahanglan he ebehinen haazà is tanà te pitu he vahin. Kenà idragkes is tanà te tribu ni Juda ziyà te zivavà wey is tanà te menge tribu ni Jose ziyà te zizaya.

1 Samuel 27:10

Emun ed-insà si Akish ke hendei zan medsurung te haazà he andew, ne edtavak si David te midsurung dan diyà te Negev diyà te Juda wey ke sakup be te Negev he ed-ubpaan te menge Jerameelinhen wey ke sakup be te Negev he ed-ubpaan te menge Kinhanen.