Genesis 12:18 - Manobo Western Bukidnon OT

¹⁸ Ne netuenan duen te hadì te Ehipto, is hinungdan dutun te neulaula kandan, mid-umew zin si Abram ne ke sikandin te, “Utew mezaat is mid-ulaula nu kedì! Maan is wazè nu keǥiya he esawa nu si Sarai?

Genesis 12:18 ပူးပေါင်းရင်းမြစ်များ

Genesis 12:19

Migkaǥi nu he etevey nu, ne migkuwa ku sikandin, su mid-esawa ku. Heini zed is esawa nu. Kuwaa nu ne awè kew kayi!”

Genesis 20:3

Sevaha zutun he mezukilem, mibpeteǥeinep is Nengazen ki Abimelec he egkaǥi te, “Ebpengelinteuwan ku he mebpatey ka, su haazà is bahi he migkuwa nu, duen din en esawa.”

Genesis 29:25

Hein nepawà, netuenan ni Jacob he si Lea ves is hulid din. Ne zutun mibeyaan din si Laban he egkaǥi te, “Maan is mid-ulaula nu heini kediey? Mibpeniwakà a kenikew para meesawa ku si Raquel. Maan is mid-ekalan a kenikew?”

Genesis 3:13

Ne mid-insaan te Nengazen he Megbevayà kes vahi, ke sikandin te, “Hengkey heini is mid-ulaula nu?” Ne midtavak dutun is bahi te, “Mid-ekalan a te uled, umbe migkaan a.”

Genesis 31:26

Ne migkeǥiyan ni Laban si Jacob te, “Maan is mid-ulaula nu heini kedì! Maan is mid-ekalan a kenikew? Mid-uwit nu pa is menge anak ku, he henduen be te nengevihag te tebek.

Genesis 4:10

Ne migkeǥiyan te Megbevayà si Cain te, “Utew mezaat is mid-ulaula nu! Is lengesa te hazi nu ne henduen be te ebpehizuhizu he edsilutan ku is etew he midhimatey kandin.

Genesis 44:15

Migkeǥiyan ni Jose sikandan te, “Hengkey heini is mid-ulaula niw? Wazè niw ves metueni he metau a he edtagnà?”

2 Samuel 3:24

midhendiyà si Joab te hadì he egkaǥi te, “Hengkey ves is baal nu? Midhengkayi en si Abner, maan is impeǥenat nu pa? Ne, guntaan wazè en sikandin!

Exodus 32:21

Ne migkaǥi sikandin diyà te ki Aaron te, “Hengkey is mibeelan kayi te menge etew ziyà te kenikew? Su maan is midtuǥutan nu sikandan te kebaal te zekelà he salà?”

Erubasa 21:1

Is isip te menge hadì ne iring te wahig he iyan ebayàbayà is Nengazen te kedtudè din. Iyan ebayàbayà kayi sikandin sumalà te egkesuatan din.

Josue 7:19

Ne migkaǥi si Josue ziyà te ki Acan te, “Mama, beǥayi nu te zengeg is Nengazen he Megbevayà te Israel; keǥiya nu is tutuu ziyà te etuvangan din. Keǥiya nu kayi te kediey ke hengkey is mibeelan nu? Kenè nu heini ieles kediey.”

Zatù 2:2

Migkaǥi a zaan he kenè kew pekid-uyun te menge etew kayi he tanà, kekenà, pemengkaǥa niw is menge pemuhatè dan. Iyan, hengkey is mibeelan niw? Wazà a keniyu pezumdumahi!

1 Samuel 14:43

Ne migkeǥiyan ni Saul si Jonatan te, “Hengkey ves is mibeelan nu?” Midtavak si Jonatan te, “Intiyuk ku is purù te tuked ku zuen te teneb ne migkaan a te deisey zà. Ne, kinahanglan buwa he edhimetayan a?”