Genesis 12:1 - Manobo Western Bukidnon OT

¹ Ne migkaǥi is Nengazen diyà te ki Abram te, “Ewai nu is inged nu, wey is menge kezuzumahi nu, wey is menge pemilya te amey nu, ne hendiyà ka te inged he ibpeehè ku kenikew.

Genesis 12:1 ပူးပေါင်းရင်းမြစ်များ

Genesis 15:7

Ne zutun migkaǥi is Nengazen te, “Iyan a sikan is Nengazen . Umbe impehendini ku sikew he ebpuun te inged he Ur te menge Kildiyanhen su wey ku ikeveǥey kenikew heini is tanà wey nu maangken.”

Genesis 20:13

Hein migkeǥiyan a te Nengazen he med-awà a ziyà te inged te amey ku, migkeǥiyan ku si Sara he ipekilala zin he telesuled key minsan hendei key mekepevayà. Pinaaǥi kayi igkepeehè din is dekelà he gaǥew zin kedì.”

Genesis 24:38

Pehendiyè ka te pemilya te amey ku, ne ziyè ka pen-ahà te vahi he kezuzumahi ku he ibpeesawa nu te anak ku.’

Genesis 24:4

Hendiyè ka te inged he mibpuunan ku, ne ziyè ka pilì te ed-esawaan te anak ku he si Isaac te menge kezuzumahi ku.”

Genesis 24:7

Is Nengazen, he iyan dà Megbevayà diyà te langit, migkaǥi kedì, he ewai ku is menge kezuzumahi te amey ku wey is inged ku he zutun a meetew. Ne nenangdù sikandin he ibeǥey zin heini is tanà he Canaan diyà te menge kevuwazan ku. Umbe hipanew ke en su ebpezumahan ke zin te menge velinsuǥuen din he ibpehuna kenikew ne iyan edtavang kenikew wey ka mekaahà diyà te egkeesawa te anak ku.

Genesis 26:2

Ne mibpaahà is Nengazen kandin, he egkaǥi te, “Kenè ka hendiyà te Ehipto; diyan ke zà ubpà te lugar he ibpeehè ku kenikew.

Nehemias 9:7

“Iyan ka, Nengazen he Megbevayà mibpilì ki Abram, ne impeǥawas nu sikandin puun te Ur, he sakup te Babilonia. Ne migngezanan nu sikandin te Abraham.

Isaias 37:12

Mibpendezeetan dengan te menge kepuun ku is menge inged he Gosan, Haran, Resef, wey is menge etew ziyà te Eden he ziyà te Telasar. Ne wazà mekelibri kandan is menge ed-ezapen dan?

Isaias 41:9

midtawag ku sikew wey migkuwa puun te utew meziyù he vahin te kelibutan, ne migkeǥiyan ku sikew te iyan ka suluǥuen ku. Mibpilì ku sikew ne wazè ku sikew iselikwey.

Ezekiel 33:24

“Sikew is etew, is menge etew he ed-ubpà diyà te nevengkag he menge inged diyà te Israel egkaǥi te, ‘Sebsevaha zà si Abraham, ne imbeǥey ziyà te kandin is tivuuk ha tanà. Ne mahabet kiw mulà, umbe siguradu he egkaangken tew ǥihapun heeyan he tanà.’

Numero 10:30

Piru midtavak si Hobab te, “Kenà a. Edlikù a kayi te kediey he lugar wey ziyà te menge emurè ku te inged.”