Genesis 11:8 - Manobo Western Bukidnon OT

⁸ Umbe mibpedsusuwey te sikandan te Nengazen kayi te tivuuk he kelibutan, ne neengkezan dan is kedtukud dan te inged.

Genesis 11:8 ပူးပေါင်းရင်းမြစ်များ

Genesis 10:25

Dezuwa is menge anak ni Eber. Is sevaha, ne migngezanan ki Peleg, he ke và dà egkeǥiya, “kebpekedsusuwey”, su zutun he timpu nekedsusuwey is menge etew zini te lumpad. Is hazi zin ne migngezanan ki Joktan.

Genesis 10:32

Iyan heini menge kevuwazan te menge anak ni Noe. Heini sikandan ne nekedsisivey zan te neubpaan he menge nasyun. Tenged kandan, netukud is menge nasyun kayi te tivuuk he kelibutan hein neiwas is kedlapey te zaǥat.

Genesis 10:5

Iyan heini kevuwazan ni Jafet. Iyan sikandan mibpuunan te menge tribu he ziyà med-ubpà te veyvey te zaǥat. Is kada pemilya zan ne ziyà med-ubpà te keugelingen dan he inged he sakup te nasyun dan, wey zuen dan keugelingen he kineǥiyan.

Genesis 11:9

Umbe, migngezanan haazà is inged he Babel, he ke và dà egkeǥiya, “Kegkengeliveǥi,” su zutun impedseselekawà te Nengazen is kineǥiyan te tivuuk he menusiyà. Ne puun dutun midhimu te Megbevayà he mekedsusuwey sikandan pehendiyà te minsan hendei zini te kelibutan.

Genesis 49:7

Edrewakan ku sikiyu tenged te kegkepauk niw he utew subra. Ebpedsusuwayen ku is menge kevuwazan niw kayi te Israel.

Salmo 33:10

Edèdeetan te Nengazen is pelanu te menge nasyun, ne kenè din idtuǥut he medlampus is menge tuyù dan.

Salmo 92:9

Kenà duwazuwa he ebpekedsusuwey is lalung he menge kuntada nu ne ebpemematey sikandan.

Deuteronomio 32:8

Su hein mibeǥayan te Levew he Megbevayà is menge nasyun te tanè dan wey hein mibahinbahin din en is menge etew zutun, ne zuen dulunà te uman grupu kandan he insavuk din sumalà is kezakel te menge velinsuǥuen din.