Genesis 11:7 - Manobo Western Bukidnon OT

⁷ Kuwa kew en, edhendiyè kiw, ne ibpedseselekawè tew is kineǥiyan dan su wey zuen mezakel he menge kineǥiyan su wey kenè dan mekedsesevutà.”

Genesis 11:7 ပူးပေါင်းရင်းမြစ်များ

Genesis 1:26

Ne zutun migkaǥi is Megbevayà te, “Edhimuwen tew is menusiyà he iring kenitew su wey zan meveyveyai is menge isdà diyà te zaǥat wey is menge tagbis diyà te hewhewanan wey is menge langgam he ayam wey leew wey is menge keranapranap he ebpenanap wey edula ziyà te tanà. Ebeyveyaan dan is tivuuk he tanà.”

Genesis 10:20

Iyan heini menge kevuwazan ni Ham. Is kada pemilya zan ne ziyà med-ubpà te keugelingen dan he inged he sakup te nasyun dan, wey zuen dan keugelingen he kineǥiyan.

Genesis 10:32

Iyan heini menge kevuwazan te menge anak ni Noe. Heini sikandan ne nekedsisivey zan te neubpaan he menge nasyun. Tenged kandan, netukud is menge nasyun kayi te tivuuk he kelibutan hein neiwas is kedlapey te zaǥat.

Genesis 10:5

Iyan heini kevuwazan ni Jafet. Iyan sikandan mibpuunan te menge tribu he ziyà med-ubpà te veyvey te zaǥat. Is kada pemilya zan ne ziyà med-ubpà te keugelingen dan he inged he sakup te nasyun dan, wey zuen dan keugelingen he kineǥiyan.

Genesis 11:5

Ne zutun, mibulus is Nengazen su ed-ahaan din is mibeelan te etew he inged wey turi.

Genesis 3:22

Ne migkaǥi zutun is Nengazen he Megbevayà te, “Nehimu en is menusiyà he iring kenitew su egketuusan din en is meupiya wey mezaat. Umbe utew kinahanglan kenè sikandin edtuǥutan he mekekaan dutun te veǥas te kayu he ebpekeveǥey te untung, su emun ebpekekaan sikandin ne kenè en ebpatey te wazà pidtemanan.”

Genesis 42:23

Wazè dan metueni he egkesavut ni Jose is egkeǥiyen dan, su emun ebpekidlalag sikandin kandan ne zuen tigseysey zin.

Job 12:20

Ibpepereremek din is egkeseriǥan he menge sumesambag, wey id-awè din is hustu he kedsavut te menge meǥurang.

Salmo 2:4

Piru is Nengazen he ziyà te langit he ebpimpinuu te pinuuwè din te kedhadì, ed-engitan din dà sikandan.

Salmo 33:10

Edèdeetan te Nengazen is pelanu te menge nasyun, ne kenè din idtuǥut he medlampus is menge tuyù dan.

Salmo 55:9

Nengazen, dèdeeti nu is menge kuntada ku; gurigawa nu is menge isip dan su wey zan kenà meuyun. Su neehè ku is kebpesipala wey kebpetebtebekà te menge etew ziyà te inged.

Exodus 4:11

Ne migkaǥi is Nengazen diyà te kandin te, “Hentei ves is mibaal te vèbà te etew? Hentei is midhimu kandin he vengel etawa emew? Hentei is midhimu kandin he ebpekaahà etawa midhimu kandin he lakap? Kenè be iyan a, is Nengazen?

Isaias 33:19

Piru kenè niw en egkeuman egkaahà haazà is gelbuwen he menge etew he kenè niw egkesavut is kineǥiyan dan.

Isaias 6:8

Ne nezineg ku is laǥeng te Nengazen he migkaǥi te “Hentei vuwa is edsuǥuen ku? Hentei vuwa is edhipanew para kenami?” Midtavak a te, “Heini e zed! Iyan a suǥua.”

Jeremias 5:15

Migkaǥi is Nengazen te, “Menge etew te Israel, ebpeuwitan ku sikiyu te menge etew he ebpuun diyà te meziyù he nasyun he edsurung keniyu. Mekeǥeǥehem heini wey kezaan en he nasyun; is kineǥiyan dan kenè niw egkesavut.

Deuteronomio 28:49

“Ketau te Nengazen he surunga kew te sevaha he nasyun he ziyà te utew meziyù, he kenè niw egkesavut is kineǥiyan dan. Iring dan te kulaǥu he edawi zutun te kedsurunga zan keniyu.