Genesis 11:30 - Manobo Western Bukidnon OT

³⁰ Ne si Sarai, kenà ed-anak umbe wazè din menge anak.

Genesis 11:30 ပူးပေါင်းရင်းမြစ်များ

Genesis 11:31

Ne midumahan ni Tera is anak din he si Abram, is ambey zin he si Sarai, wey is apù din he si Lot he anak ni Haran, ne mid-awè dan diyà te Ur he sakup te inged te menge Kildiyanhen su edhendiyè dan pezem te Canaan. Piru hein nekeuma zan diyà te inged he Haran, diyè dan dà med-ubpà.

Genesis 25:21

Tenged te kenà ed-anak si Rebeka, mid-ampù si Isaac diyà te Nengazen he med-anak ded is esawa zin. Midtavak te Nengazen is ked-ampù din, umbe mibmeǥingey zutun si Rebeka.

Genesis 29:31

Naahà te Nengazen he kenà mahal ni Jacob si Lea, umbe mibpengelinteuwan din he mekaanak si Lea, piru si Raquel ne kenà.

Salmo 113:9

Edlipayen din is bahi he kenà ebpekaanak diyà te ubpeey zin pinaaǥi te kebeǥayi zin kandin te menge anak. Deliǥa is Nengazen!

Zatù 13:2

Dutun he timpu zuen sevaha he maama he iyan ngazan din si Manoa he sakup te tribu ni Dan, ne ziyà sikandin ed-ubpà te Zora. Ne kenà ed-anak is esawa zin.

1 Samuel 1:2

Si Elkana ne dezuwa is esawa zin. Iyan ngazan te sevaha si Hana, ne is sevaha si Penina. Duen mulà menge anak ni Penina, ne si Hana wazè din.

1 Samuel 1:5

Ne is ki Hana tenged te utew zin mahal minsan te wazè din anak su midhimu sikandin te Nengazen he kenà ebpekaanak, ne edezuwaan din mulà is kandin he vahin.