Genesis 11:29 - Manobo Western Bukidnon OT

²⁹ Ne mibpengesawa si Abram wey si Nahor. Iyan esawa ni Abram si Sarai, ne iyan esawa ni Nahor si Milca. Anak si Milca ni Haran te amey zaan ni Isca.

Genesis 11:29 ပူးပေါင်းရင်းမြစ်များ

Genesis 17:15

Ne elin daan migkaǥi te Megbevayà diyà te ki Abraham is: “Ne haazà is esawa nu he si Sarai, kenè nu en ngezani ki Sarai, kekenà, iyan nu en ingazan kandin si Sara, he ke và dà egkeǥiya, ‘Bai’.

Genesis 20:12

Tutuu iyan he etevey ku si Sara, su anak te amey ku, piru selakew is iney zin, ne mid-esawa ku.

Genesis 22:20

Midlavey zutun is timpu, ne nezineg ni Abraham is tudtul te zuen en menge anak te hazi zin he si Nahor ziyà te ki Milca.

Genesis 22:23

Si Betuel, ne zuen anak din he raǥa he si Rebeka. Sikandan is walu ne menge anak ni Nahor ziyà te ki Milca.

Genesis 24:10

Ne hein nepasad dutun, migkuwa is suluǥuen te sepulù he menge ayam he kemilyu ne migkergahan din te langun he kelasi te menge mahalen he igasa he ebpuun te egalen din he si Abraham. Migenat sikandin pehendiyà te inged he Aram Naharaim, he iyan inged he mid-ubpaan ni Nahor he hazi ni Abraham.

Genesis 24:15

Wazè pa zutun sikandin mekepasad he ed-ampù, ne nekeuma si Rebeka he edtiang te umuy. Anak si Rebeka ni Betuel, ne si Betuel anak ni Nahor wey ni Milca. Si Nahor suled ni Abraham.

Genesis 24:24

Midtavak si Rebeka te, “Iyan amey ku si Betuel he anak ni Milca wey ni Nahor.