Genesis 10:9 - Manobo Western Bukidnon OT

⁹ Nevantug si Nimrod he mengenganup tenged te intuǥut haazà kandin te Nengazen. Ne tenged dutun, duen layun dan egkekaǥi zengan he ke sikandan te, “Iring ki Nimrod is utew nevantug he mengenganup su iyan intuǥut kandin te Nengazen.”

Genesis 10:9 ပူးပေါင်းရင်းမြစ်များ

Genesis 10:10

Iyan menge zekelà he inged diyà te ǥinhedian din is Babilonia, is Erec, wey is Acad, he menge inged diyà te tanà he sakup te Shinar.

Genesis 10:8

Duen pa sevaha he anak ni Cush he iyan ngazan din si Nimrod. Si Nimrod nehimu he gemhanan he etew kayi te kelibutan.

Genesis 13:13

Ne is menge meǥinged dutun te Sodom, utew menge mekesesalà. Utew mezaat is menge salè dan he supak te Nengazen.

Genesis 25:27

Ne hein midekelè en haazà is menge vatà, utew metau si Esau he ebpenuǥes, ne layun sikandin egketalus. Ne si Jacob mulà ne mevented, diyè dà sikandin te menge tulda ed-ubpàubpà su perevantey te uyaǥen.

Genesis 27:30

Ne hein neipus ni Isaac is kebpenubtuvazi zin ki Jacob, ne migenat si Jacob. Beǥu pa utew zutun mid-awà si Jacob, ne iyan daan kebpekeulì ni Esau te nenuǥes.

Genesis 6:11

Naahà te Megbevayà he utew meremerik is menge ulaula te tivuuk he menusiyà wey utew kenà memetazeng is menge vaal zan.

Genesis 6:4

Ne zutun he timpu hein neked-esawa is menge anak te Megbevayà wey is menge vahi he anak te etew, pinaaǥi zutun duen in-anak dini te tanà he menge etew he egngezanan te Nefilim. Ne haazà is menge Nefilim, ne utew menge ǥemhanan he etew ne utew zan nengevantug dengan.

2 Cronica 28:22

Emun duen kemereǥenan he ebpekeuma ziyà te ki Hadì Ahaz, ne ed-iseg pa is kedsupak din te Nengazen.

Salmo 52:7

“Ahaa niw is menge etew he kenà edsarig te Megbevayà he melig-en pezem he eputè dan. Su iyan dan edseriǥan is mahabet he menge azen dan, ne mid-iseg is kegkemekeǥeǥehem dan pinaaǥi te kedezaat dan te zuma he etew.”

Isaias 18:2

Ebpuun kayi he lugar, duen menge menunudtulà he midsuǥù he ed-untud te mibeelan he ǥakit he tigbew ne midlayun dan te Wahig he Nilo. Sikiyu is meǥaan he edhipanew he menge menunudtulà, likù kew ziyà te tanè niw he nevahin pinaaǥi te zezekelà he menge wahig, diyà te menge zuma niw he memelangkew wey metilak is kedlulundis, menge etew he gemhanan he igkikinehendekà diyà te minsan hendei.

Jeremias 16:16

“Piru ǥuntaan, ibpehendiyè ku zep-a te kandan is mezakel he menge kuntada zan he iring te menge mengingisdà he edhingutel kandan. Is menge kuntada zan iring daan te menge mengengasu he ebpen-ahà kandan diyà te menge vuntud, menge vuvungan, wey ziyà te menge sihung te vatu.

Ezekiel 13:18

Keǥiyi nu sikandan te iyan a is Nengazen he MEGBEVAYÀ migkaǥi te: Mekehizuhizu kew is menge vahi he mid-akal te menge etew ku, batà etawa meǥurang, pinaaǥi te menge hinepetan niw, he ibevekelew niw wey ibpikit niw ziyà te menge lembung niw. Egkesuat kew he meveyveyai niw is menge etew ku su wey niw sikandan mepenepii.

Micas 7:2

Is ibpesavut ku iyan is, wazè en neehè ku he etew kayi te Israel he mepezumdumahan te Megbevayà. Wazè en nesamà he metazeng he etew. Is kada sevaha, edtaǥad te meupiya he timpu te kegkehimetayi zin te zuma zin he meǥinged, iring te etew he edtaǥad te kegkeutela zin te langgam he edhingutelen din.