Genesis 10:7 - Manobo Western Bukidnon OT

⁷ Si Cush ne zuen din menge anak he iyan heini si Sheba, Havila, Sabta, Raama, wey si Sabteca. Ne iyan heini menge anak ni Raama, si Sheba wey si Dedan.

Genesis 10:7 ပူးပေါင်းရင်းမြစ်များ

Genesis 10:8

Duen pa sevaha he anak ni Cush he iyan ngazan din si Nimrod. Si Nimrod nehimu he gemhanan he etew kayi te kelibutan.

Genesis 2:11

Is ngazan te nehuna he wahig ne Pishon. Iyan haazà sikan is wahig he ziyà edtudà te tivuuk he tanà he Havila he zutun duen egkaahà he vulawan.

1 Hadì 10:1

Hein nezineg duen te rayna ziyà te Sheba is kegkevantug ni Solomon, he nekeveǥey ziyà te Nengazen te zengeg, midhendiyà sikandin te ki Solomon su egezaman din is ketau ni Solomon pinaaǥi te ked-insà te mereǥen he edtevaken he menge insà.

1 Cronica 1:9

Si Cush ne zuen din menge anak he iyan heini si Sheba, Havila, Sabta, Raama, wey si Sabteca. Ne iyan heini menge anak ni Raama, si Sheba wey si Dedan.

Job 1:15

ne midtik-awan key surunga te menge Sabyanhen. Mibpen-uwit dan is menge uyaǥen nu, ne mibpenhimetayan dan is menge suluǥuen nu. Ne sebsevaha ku zà te nekepelaǥuy para te kedtudtul kenikew.”

Salmo 72:10

Berakat he is menge hadì diyà te Tarshish, menge pulu, wey te Sheba, ebeǥey ziyà te kandin te menge ǥasa te kebpekilala he ebpesakup sikandan kandin.

Isaias 21:13

Heini he menge lalag ne mehitenged te Arabia: Sikiyu is menge etew ziyà te Dedan, he is menge grupu te menge nigusyanti niw he ebpemenhipanew he egkampu ziyà te sibsivayan te Arabia,

Isaias 43:3

Su iyan a, is Nengazen Megbevayè nu, he Waǥas he Megbevayà te Israel, ne iyan a menluluwas nu. Ibeǥey ku ziyà te zuma he nasyun is Ehipto, Etiopia wey Seba he ilis kenikew.

Ezekiel 27:15

“ ‘Mibpetiǥayun daan diyà te kenikew is menge tig-Dedan, ne mahabet is menge sukì nu ziyà te menge lugar he ziyà te veyvey te zaǥat. Is imbayad dan kenikew menge ungal te ilipanti wey menge mezesen wey meitem he menge kayu.

Ezekiel 27:20

“ ‘Is inliwà te menge tig-Dedan te menge velegyè nu iyan is menge manggad he ebeelan he valhen.

Ezekiel 27:22

“ ‘Mibpetiǥayun daan diyà te kenikew is menge nigusyanti ziyà te Sheba wey Raama. Is imbayad dan te menge velegyè nu iyan is langun he kelasi te meupiya he menge penaket, mahalen he menge vatu, wey menge vulawan.