Genesis 10:32 - Manobo Western Bukidnon OT

³² Iyan heini menge kevuwazan te menge anak ni Noe. Heini sikandan ne nekedsisivey zan te neubpaan he menge nasyun. Tenged kandan, netukud is menge nasyun kayi te tivuuk he kelibutan hein neiwas is kedlapey te zaǥat.

Genesis 10:32 ပူးပေါင်းရင်းမြစ်များ

Genesis 10:1

Si Shem, si Ham, wey si Jafet, iyan heini guǥud te menge kevuwazan dan he impenganak dutun te timpu hein neipus en is kedlapey te zaǥat.

Genesis 10:20

Iyan heini menge kevuwazan ni Ham. Is kada pemilya zan ne ziyà med-ubpà te keugelingen dan he inged he sakup te nasyun dan, wey zuen dan keugelingen he kineǥiyan.

Genesis 10:25

Dezuwa is menge anak ni Eber. Is sevaha, ne migngezanan ki Peleg, he ke và dà egkeǥiya, “kebpekedsusuwey”, su zutun he timpu nekedsusuwey is menge etew zini te lumpad. Is hazi zin ne migngezanan ki Joktan.

Genesis 10:31

Iyan heini menge kevuwazan ni Shem. Is kada pemilya zan ne ziyà med-ubpà te keugelingen dan he inged he sakup te nasyun dan, wey zuen dan keugelingen he kineǥiyan.

Genesis 10:5

Iyan heini kevuwazan ni Jafet. Iyan sikandan mibpuunan te menge tribu he ziyà med-ubpà te veyvey te zaǥat. Is kada pemilya zan ne ziyà med-ubpà te keugelingen dan he inged he sakup te nasyun dan, wey zuen dan keugelingen he kineǥiyan.

Genesis 11:1

Ne zutun he timpu, sebsevaha pa is kineǥiyan te langun he menge etew te tivuuk he kelibutan.

Genesis 9:1

Ne zutun midtuvazan te Megbevayà si Noe wey is menge anak din, ne ke sikandin te, “Mevuwad kew ne mebmahabet kew utew su wey meeneb is kelibutan te menge etew.

Genesis 9:19

Iyan heini sikan is tetelu he anak ni Noe ne iyan sikandan menge kepuun te langun he menge etew he nekeeneb te tivuuk he kelibutan.

Genesis 9:7

Ne mesigudu kew mevuwad wey kew mebmezakel ne wey kew mekeeneb te tivuuk he kelibutan.”

Job 15:19

Utew sikandan uluwanen, su iyan dà sikandan nekaangken te menge tanè dan, ne wazà sikandan sekupa te menge lumelengyawà.