Genesis 1:9 - Manobo Western Bukidnon OT

⁹ Ne migkaǥi zutun is Megbevayà te, “Mesevaha ziyà te sevaha he lugar is wahig kayi te kelibutan para medlepew is memaza he lugar.” Ne nehimu haazà.

Genesis 1:9 ပူးပေါင်းရင်းမြစ်များ

Genesis 1:8

Ne haazà is elang, migngezanan te Megbevayà he “hewhewanan.” Ne mibmezukilem dutun, ne hein nepawè en, ne nehimu is ikezuwa he andew.

Nehemias 9:6

Iyan ke zà Nengazen! Mibeelan nu is langit, tanà, daǥat, wey is langun he netaǥù kayi. Ebeǥayan nu te untung is langun he menge linimbag nu, ne ed-ezapen ka te menge velinsuǥuen diyà te langit.

Job 26:10

Midhimu zin is henduen be te midtelevukaayan te langit wey zaǥat, he iyan taltal te kerayag wey kerusirem.

Job 26:7

Indempas te Megbevayà is dizaya he langit diyà te mehiǥawan he lugar, ne insavuk din is kelibutan diyà te kawangkawang.

Salmo 104:3

Mibangun nu is ubpeey nu ziyà te zivavew pa te kewkewangan. Ne iyan midhimu nu he menge kerwahi nu is menge ǥapun, ne ed-untud ka he egkeuwit te keramag.

Salmo 33:7

Midtingeb din is wahig te zaǥat he henduen be te intaǥù diyà te gerepun etawa insavuk diyà te budiga.

Salmo 95:5

Kandin daan is daǥat wey is tanà su iyan sikandin mibaal kayi.

Megwewali 1:7

Is menge wahig edtudà pehendiyà te zaǥat, ne kenà heini egkepenù. Ne haazà is wahig ne ebpekelikù gihapun diyà te mibpuunan din, ne ed-uman en maan edtudà pehendiyà te zaǥat.

Jeremias 5:22

Wazà niw ve kedtahud kediey? Maan is wazè kew kerkera ziyà te etuvangan ku? Iyan a is Nengazen migkaǥi te mibeelan ku is beyvey he netemanan te zaǥat. Pirmeninti heini he dulunà ne kenà egkelapew. Edtampil kayi is baǥel piru kenè en edlavey is daǥat kayi.

Jonas 1:9

Ne ke si Jonas te, “Hebriyuhanen a ne iyan ed-ezapen ku is Nengazen, is Megbevayà diyà te langit he iyan midlimbag te zaǥat wey tanà.”