Genesis 1:5 - Manobo Western Bukidnon OT

⁵ Ne haazà is kerayag, migngezanan te Megbevayà te “maandew”, ne haazà is kerusireman, ne migngezanan din te “mezukilem.” Ne mibmezukilem dutun, ne hein nepawè en, ne nehimu is nehuna he andew.

Genesis 1:5 ပူးပေါင်းရင်းမြစ်များ

Genesis 1:13

Ne mibmezukilem dutun, ne hein nepawè en, ne nehimu is iketelu he andew.

Genesis 1:19

Ne mibmezukilem dutun, ne hein nepawè en, ne nehimu is ikeepat he andew.

Genesis 1:23

Ne mibmezukilem dutun, ne hein nepawè en, ne nehimu is ikelima he andew.

Genesis 1:31

Ne zutun mid-ahà te Megbevayà is langun he nelimbag din, ne utew iyan haazà meupiya. Ne mibmezukilem dutun, ne hein nepawè en, ne nehimu is ikeenem he andew.

Genesis 1:8

Ne haazà is elang, migngezanan te Megbevayà he “hewhewanan.” Ne mibmezukilem dutun, ne hein nepawè en, ne nehimu is ikezuwa he andew.

Genesis 8:22

Taman en te kenè pa egkehanew is kelibutan, kenà egkehimu he edhelinen ku is menge timpu, kekenà, ibpaaǥi ku zed is timpu te kebpemula wey tiraǥun, is timpu te meǥenew wey meinit, is timpu te ǥulavung wey tipenguzan, is maandew wey mezukilem.”

Salmo 104:20

Mibeelan nu is kerusireman; ne emun mezukilem ebpemenggawas is mahabet he menge langgam diyà te ketelunan.

Salmo 19:2

Ke và dan dà etew ne edtudtulen dan is gehem te Megbevayà te maandew wey te mezukilem.

Salmo 65:8

Minsan sikan is diyà ebpemen-ubpà te meziyù ne nengahandek kenikew, tenged te egkein-inuwan he menge vaal nu. Ebpekeugyab te kegkelipey is menge etew kayi te tivuuk he kelibutan tenged kenikew.

Salmo 74:16

Iyan ka mibaal te maandew wey mezukilem, iyan ka midsavuk te andew wey vulan diyà te nesevukan dan.

Isaias 45:7

Iyan a mibaal te kerayag wey kerusireman. Kediey he ketau is keupiyaanan wey kezeetan. Iyan a Nengazen, iyan a mibaal kayi te langun.

Jeremias 33:20

“Nekid-uyun a te maandew wey mezukilem he medlepew sikandan te hustu he timpu, ne heini he uyun kenè en egkahalin.

Numero 20:29

Ne hein netuenan te langun kandan he minatey en si Aaron, inlalew zan sikandin seled te 30 he andew.