Genesis 1:4 - Manobo Western Bukidnon OT

⁴ Ne naahà te Megbevayà he meupiya haazà is kerayag, ne impedsivey zin is kerayag wey is kerusireman.

Genesis 1:4 ပူးပေါင်းရင်းမြစ်များ

Genesis 1:10

Ne haazà is memaza, migngezanan te Megbevayà he “tanà” ne haazà is insivey zin he wahig, migngezanan din he “zaǥat.” Ne naahà te Megbevayà he meupiya haazà.

Genesis 1:12

Midtuvù dutun te tanà is langun he kelasi te menge sagbet he zuen dan lisu wey is minsan hengkey he kayu he ebpemeǥas he zuen lisu ziyà te menge veǥas dan. Ne naahà te Megbevayà he meupiya zaan haazà.

Genesis 1:18

ne wey pinaaǥi zutun metapid is maandew wey mezukilem, wey is merayag wey merusirem. Ne naahà te Megbevayà he meupiya zaan haazà.

Genesis 1:25

Su midlimbag dutun te Megbevayà is menge langgam he leew wey ayam wey is menge keranapranap he ebpenanap wey edula zini te tanà, ne naahà dutun te Megbevayà he meupiya zaan haazà.

Genesis 1:31

Ne zutun mid-ahà te Megbevayà is langun he nelimbag din, ne utew iyan haazà meupiya. Ne mibmezukilem dutun, ne hein nepawè en, ne nehimu is ikeenem he andew.

Salmo 145:10

Ebpekepeselamat kenikew, Nengazen, is langun he linimbag nu; edeliǥen ka te metinumanen he menge etew nu.

Salmo 145:9

Nengazen, edtulengezan nu is langun; duen nu hizu te langun he linimbag nu.

Megwewali 11:7

Meupiya utew ke uuyag ke pa.

Megwewali 2:13

“Meupiya is ketau kenè te ketutulebungi, su iring ded heini te kerayag su zeyzey heini te kerusireman.”

Isaias 45:7

Iyan a mibaal te kerayag wey kerusireman. Kediey he ketau is keupiyaanan wey kezeetan. Iyan a Nengazen, iyan a mibaal kayi te langun.