Genesis 1:31 - Manobo Western Bukidnon OT

³¹ Ne zutun mid-ahà te Megbevayà is langun he nelimbag din, ne utew iyan haazà meupiya. Ne mibmezukilem dutun, ne hein nepawè en, ne nehimu is ikeenem he andew.

Genesis 1:31 ပူးပေါင်းရင်းမြစ်များ

Genesis 1:13

Ne mibmezukilem dutun, ne hein nepawè en, ne nehimu is iketelu he andew.

Genesis 1:19

Ne mibmezukilem dutun, ne hein nepawè en, ne nehimu is ikeepat he andew.

Genesis 1:23

Ne mibmezukilem dutun, ne hein nepawè en, ne nehimu is ikelima he andew.

Genesis 1:5

Ne haazà is kerayag, migngezanan te Megbevayà te “maandew”, ne haazà is kerusireman, ne migngezanan din te “mezukilem.” Ne mibmezukilem dutun, ne hein nepawè en, ne nehimu is nehuna he andew.

Genesis 1:8

Ne haazà is elang, migngezanan te Megbevayà he “hewhewanan.” Ne mibmezukilem dutun, ne hein nepawè en, ne nehimu is ikezuwa he andew.

Genesis 2:2

Ne zutun te ikepitu he andew, geina te nepasad en te Megbevayà haazà is langun he menge vaal zin, midhimeley sikandin he ebaal.

Genesis 2:3

Ne midtuvazan te Megbevayà is ikepitu he andew ne migkaǥi zin daan he segradu haazà su midhimeley sikandin dutun te kedlimbaǥa zin te langun.

Job 38:7

Dutun he timpu, nesevaha te kegkanta is menge mekevugwas wey nemen-uruhuy te kegkelipey is langun he menge velinsuǥuen.

Salmo 104:24

Nengazen, utew mahabet is mibpemeelan nu. Mibeelan nu heini is langun pinaaǥi te ketau nu. Nepenù is kelibutan te menge mibeelan nu.

Salmo 104:28

Mibeǥayan nu sikandan te egkekaan dan, ne migkaan dan haazà ne nengahantey sikandan.

Salmo 104:31

Berakat he ebpedayun is gehem nu, Nengazen, te wazà pidtemanan. Berakat he igkelipey nu is mibpemeelan nu.

Salmo 119:68

Meupiya ka iyan wey meupiya is mibpemeelan nu. Penurua a te menge sulunuzen he ibpesunud nu.

Exodus 20:11

Su seled te heenem he andew is kebeeli ku te langit, tanà, daǥat, wey te langun he menge seled dutun, ne midhimeley a hein ikepitu en he andew. Ne mibpenubtuvazan ku haazà is Andew te Kedhimeley ne midhimu ku he segradu he andew para kediey.

Erubasa 16:4

Is minsan hengkey he ebeelan te Nengazen ne zuen din tuyù dutun, ne netuenan din ke keenu zin edtepusa, ne is imbanglis diyà te lalung he menge etew iyan is kezeetan.

Megwewali 3:11

Ne heini ne inteǥane en te Megbevayà is egkengehitavù dutun te hustu he timpu. Mibeǥayan ki zin te penganduy he metueni ta is peleebuten, piru kenè ta heini egketegkad is menge mibeelan din puun pa te puunà taman te ketepusan.

Penhulùhulù 3:38

Kenè be is Utew Lavew he Megbevayà iyan ebayàbayà te kegkehitevua te mezaat etawa meupiya he hitavù?

Deuteronomio 32:4

Iyan sikandin batu he endilungè ku; utew hustu is menge vaal zin, wey metazeng is langun he menge paaǥi zin. Metinumanen sikandin he Megbevayà ne kenà sikandin egkesayep; metazeng sikandin ne hustu is menge vaal zin.