Genesis 1:30 - Manobo Western Bukidnon OT

³⁰ Ne haazà is menge langgam he ziyà te tanà, wey is menge tagbis he ebpemenlayang diyà te hewhewanan, wey is menge keranapranap he ebpenanap, wey is minsan hengkey he egeǥehinawa, idtuǥut ku kandan he egkeenen dan is minsan hengkey he menge meilem he sagbet.” Ne nehimu haazà.

Genesis 1:30 ပူးပေါင်းရင်းမြစ်များ

Genesis 6:21

Ne sikew, kinahanglan he idseled nu zaan is minsan hengkey he kelasi te egkeenen su wey zuen egkeenen niw, wey egkeenen daan te menge langgam wey menge keranapranap.”

Genesis 9:3

Is minsan hengkey he linimbag he ebpekewaleng he egeǥehinawa, ne idtuǥut ku he egkeenen niw su ibeǥey ku en keniyu, iring te kebeǥaya ku zengan keniyu te menge sagbet.

Job 39:30

Emun duen egkeehè din he minatey ebeyaan din heini, ne edsupsupen te menge pispis din is lengesa kayi te minatey.”

Job 39:4

Emun edekelè en is anak dan diyà te sibsivayan, edhipanew heini ne kenè en edlikù.

Job 39:8

Edriǥuriǥu heini ziyà te menge vuntud is ebpen-ahà te egketabtab din.

Job 40:15

“Ahaa nu is langgam he hipuputamus, he linimbag ku iring kenikew. Ebpenabtab dà sikandin iring te vaka,

Job 40:20

Ebpenabtab sikandin diyà te menge vuvungan dutun te eguǥusà is leew he menge langgam diyà te uvey zin.

Salmo 104:14

Impetuvù nu is menge sagbet he para te menge leew wey menge uyaǥen, wey is menge pinemula he para te menge etew su wey zan mekekaan te menge abut kayi.

Salmo 147:9

Iyan sikandin mibeǥey te egkeenen te menge langgam dini te lumpad. Iring din daan te menge pispis te uwak ke egkinahanglan te egkeenen dan.