Genesis 1:28 - Manobo Western Bukidnon OT

²⁸ Ne midtuvazan sikandan te Megbevayà ne migkeǥiyan din sikandan te, “Mevuwad kew ne mebmehabet kew su wey niw meeneb is kelibutan. Iyan kew mebayàbayà dini te tanà. Iyan kew mebayàbayà te menge isdà diyà te zaǥat wey te menge tagbis he ebpemenlayang diyà te hewhewanan wey te menge linimbag he egeǥehinawa he edhipanew zini te tanà.”

Genesis 1:28 ပူးပေါင်းရင်းမြစ်များ

Genesis 1:22

Ne midtuvazan heini te Megbevayà ne ke sikandin te, “Mengevuwad kew ne mebmahabet kew utew su wey mepenù is daǥat te menge linimbag ku. Ne mebmahabet kew zaan is menge tagbis diyan te tanà.”

Genesis 17:16

Edtuvazan ku sikandin ne ebmeǥingey ne pinaaǥi kandin ibeǥey ku kenikew is anak he maama. Egkehimu sikandin he kepuun te mezakel he menge nasyun, ne is duma he menge kevuwazan din ne egkehimu he hadì.”

Genesis 17:20

Ne si Ishmael zaan, ebpemineǥen ku is hangyù nu mehitenged kandin. Edtuvazan ku zaan sikandin ne edhimuwen ku he mezakel is menge kevuwazan din. Egkehimu sikandin he amey te 12 he menge pengulu, ne is menge kevuwazan din egkehimu he utew egkevantug he menge etew.

Genesis 24:60

Mibpenubtuvazan dan si Rebeka zutun te kegenat din. Ke sikandan te, “Sikew is etevey zey, berakat he liblibuwen is menge kevuwazan nu. Berakat daan he mezaag te menge kevuwazan nu is menge kuntada zan.”

Genesis 26:24

Dutun te haazà he kezukilemi te kebpekeuma zin diyà, mibpaahà kandin is Nengazen he egkaǥi te, “Iyan a kes Megbevayà te amey nu he si Abraham. Kenè ka mahandek su iyan a zuma nu. Edtuvazan ku sikew ne edhimuwen ku he utew medmezakel is menge kevuwazan nu tenged te suluǥuen ku he si Abraham.”

Genesis 33:5

Ne hein neehè din is menge vahi wey menge vatà, ne mid-insaan din si Jacob te, “Hentei heini is menge zuma nu?” Ne midtavak si Jacob te, “Iyan heini menge anak ku he imbeǥey kediey te Megbevayà su ingkehizu e zin.”

Genesis 49:25

Iyan sikandin kes Mekeǥeǥehem he Megbevayà he ed-ezapen te menge kepuun nu he edtavang wey ebpenuvadtuvad kenikew. Ebeǥayan ke zin te uzan wey wahig diyà te serebseb. Ebeǥayan ke zin daan te mezakel he menge anak wey menge uyaǥen.

Genesis 5:2

Maama wey vahi is midlimbag din. Ne hein nepasad din, midtuvazan din sikandan, ne migngezanan din sikandan he “menusiyà”.

Genesis 6:1

Ne hein mibmezakel en utew is menge etew zini te kelibutan wey zuen en menge anak dan he vahi.

Genesis 8:17

Ipeliǥawang nu zaan haazà is langun he menge linimbag he menge langgam wey menge keranapranap, su wey mengevuwad sikandan wey zan meeneb is tivuuk he kelibutan.”

Genesis 9:1

Ne zutun midtuvazan te Megbevayà si Noe wey is menge anak din, ne ke sikandin te, “Mevuwad kew ne mebmahabet kew utew su wey meeneb is kelibutan te menge etew.

Genesis 9:7

Ne mesigudu kew mevuwad wey kew mebmezakel ne wey kew mekeeneb te tivuuk he kelibutan.”

1 Cronica 26:5

Amiel, Isacar, wey si Peuletai. Midtuvazan te Megbevayà si Obed Edom.

1 Cronica 4:10

Mid-ampù si Jabez diyà te Megbevayà te Israel, “Deyzey pezem ke tuvazi a kenikew ne mebmeluag pa is tanè ku. Dumahi a kenikew wey ilikey a te menge ebpekezezaat su wey a kenà mesekiti.” Ne midtavak te Megbevayà is hangyù din.

Job 39:11

Ebpekesarig ke ve te zesen din para egketerebahu zin is meveǥat he terebahu nu?

Job 42:12

Umbe, midtuvazan te Nengazen is huziyan he vahin te ked-ubpà ni Job te lavew pa zuen te nehuna. Mibeǥayan din sikandin te 14,000 he menge kerehidu, 6,000 he menge kemilyu, 1,000 he paris te menge vaka, wey 1,000 he vehiyan he menge asnu.

Salmo 107:38

Midtuvazan sikandan te Megbevayà, ne mibmezakel zan. Minsan is menge uyaǥen dan ne wazè din mehimuwa he medeisey.

Salmo 115:16

Gaked dà te Nengazen is langit piru imbeǥey zin mulà te menusiyà is kelibutan.

Salmo 69:34

Deliǥa niw is Megbevayà, sikiyu is langun he ziyà te langit, kayi te kelibutan, wey ziyà te zaǥat.

Salmo 8:6

Midhimu nu sikandin he iyan edumala te menge linimbag nu; ne mibpeveyveyaan nu kandin is langun,

Salmo 8:7

ragkes en kayi is langun he menge langgam wey menge keranapranap: sikan is ebpenhipanew,

Isaias 45:18

Iyan ka Nengazen, kes Megbevayà. Midlimbag nu is langit wey is kelibutan. Wazè nu himuwa is kelibutan he mehiǥawan, kekenà, mibeelan nu heini su wey meubpai. Migkaǥi ka te, “Iyan a Nengazen, ne wazè en duma pa.

Leviticus 26:9

Ed-eturen ku sikiyu ne ebeǥayan ku te mahabet he menge kevuwazan su wey ku metuman is kebpekid-uyun ku keniyu.