Genesis 1:27 - Manobo Western Bukidnon OT

²⁷ Ne midlimbag dutun te Megbevayà is menusiyà he iring kandin. Midhimu zin sikandan he mekeiring kandin te Megbevayà. Maama wey vahi is midlimbag din.

Genesis 1:27 ပူးပေါင်းရင်းမြစ်များ

Genesis 2:18

Ne migkaǥi zutun is Nengazen he Megbevayà te, “Kenà meupiya zuen te etew emun sebsevaha zà sikandin. Umbe ebeelan ku sikandin te zuma zin he zait he ebpeketavang kandin.”

Genesis 2:7

Ne zutun midlimbag te Nengazen he Megbevayà is etew, ne iyan inlimbag din dutun is eliyavuk he ebpuun dini te tanà. Ne inhiyup din dutun te izung duen te etew is kandin en he ǥehinawa he ebpekeuyag, ne zutun nehimu is etew he linimbag he ebpekeǥeǥehinawa.

Genesis 9:6

Ke zuen etew he edhimatey te zuma zin he etew edhimetayan daan sikandin te zuma zin he etew. Su midlimbag te Megbevayà is etew he iring te zagwey zin.

Salmo 139:14

Edeliǥen ku sikew su egkein-inuwan is kebeeli nu kediey. Egkein-inuwan is menge vaal nu, ne netuenan ku heeyan.

Megwewali 7:29

Ne lavew te langun, nesusi ku he midlimbag te Megbevayà is etew para medtinazeng piru kezekelan te menge paaǥi te etew ne kenà metazeng.”

Isaias 43:7

Iyan sikandan menge etew he midtawag ku; midlimbag ku sikandan para meveǥayi a te zengeg.”

Jeremias 29:6

Mebpengesawa is menge maama ne mebpeesawa is menge vahi ne penganak kew. Ipeesawa niw is menge anak niw su wey zan mekaanak daan. Mebpekahabet kew.

Malakias 2:15

Kenè be sikiyu is teleesawa, midsevaha te Nengazen is lawa niw wey gehinawa niw? Geina te egkesuat sikandin he mekaanak kew te egkehimu he ǥaked din. Umbe mebpekevantey kew he kenè niw mesupak is penangdù niw zutun te ked-esewaa niw te esawa niw hein menguhed kew pa.

Deuteronomio 4:32

“Susiya niw is nengehitavù puun te timpu te kedlimbaǥa te Megbevayà te etew kayi te kelibutan taman en guntaan. Wey susiya niw is kegkehimuwa te tivuuk he kelibutan ke zuen pe be hitavù he iring is kegkein-inuwi zuen te kegkein-inuwi te kegkehimuwa te kelibutan.

Zatù 21:22

Ne emun edriklamu is amey zan etawa suled dan he maama, ne iyan heini egkeǥiyen dey ziyà te kandan, ‘Pekelalaglalag kew he vey-ani niw en sikandan su kurang is menge raǥa he nekuwa tew hein midsurung tew is Jabesh Gilead. Minsan nekesesapè kew en piru wazè niw televaken su kenè man keniyu he ketau is kegkeesawa te menge anak niw te menge Benjaminhen.’ ”