Genesis 1:21 - Manobo Western Bukidnon OT

²¹ Umbe midlimbag te Megbevayà is utew zekelà he menge isdà wey is langun he menge linimbag he egeǥehinawa wey ebpenlayewlayew wey ebpezumdumahà he utew medmezakel ziyà te wahig. Ne midlimbag din daan is minsan hengkey he kelasi te menge tagbis. Ne naahà te Megbevayà he meupiya zaan haazà.

Genesis 1:21 ပူးပေါင်းရင်းမြစ်များ

Genesis 1:18

ne wey pinaaǥi zutun metapid is maandew wey mezukilem, wey is merayag wey merusirem. Ne naahà te Megbevayà he meupiya zaan haazà.

Genesis 1:20

Ne migkaǥi zutun is Megbevayà te, “Mehimu ziyà te menge wahig is utew medmezakel he linimbag he egeǥehinawa wey ebpezumdumahà ne mehimu zaan is utew mezakel he menge tagbis he ebpemenlayang diyà te hewhewanan he zivavew te tanà.”

Genesis 1:22

Ne midtuvazan heini te Megbevayà ne ke sikandin te, “Mengevuwad kew ne mebmahabet kew utew su wey mepenù is daǥat te menge linimbag ku. Ne mebmahabet kew zaan is menge tagbis diyan te tanà.”

Genesis 1:25

Su midlimbag dutun te Megbevayà is menge langgam he leew wey ayam wey is menge keranapranap he ebpenanap wey edula zini te tanà, ne naahà dutun te Megbevayà he meupiya zaan haazà.

Genesis 1:31

Ne zutun mid-ahà te Megbevayà is langun he nelimbag din, ne utew iyan haazà meupiya. Ne mibmezukilem dutun, ne hein nepawè en, ne nehimu is ikeenem he andew.

Genesis 2:19

Ne zutun, puun dutun te tanà, midlimbag te Nengazen he Megbevayà is langun he menge leew he menge langgam wey is langun he menge tagbis he ziyà ebpemenlayang te hewhewanan. Ne impeetuvang din haazà is langun dutun te etew su ed-ahaan din ke hengkey is menge igngazan kandan duen te etew. Ne sumalà is igngazan te etew te uman sevaha zutun te linimbag he egeǥehinawa ne iyan en ngazan din.

Genesis 6:20

Is menge tagbis daan sumalà is kelasi zan wey is menge langgam sumalà daan is kelasi zan wey is menge keranapranap daan sumalà is kelasi zan, tig-dezuwa te langun dutun is edhendiyan te kenikew su wey kenè dan melimas.

Genesis 7:14

Elin daan impeseled dutun is langun he kelasi te menge langgam: he edhipanew, ebpemenanap, wey is ebpemenlayang.

Genesis 8:17

Ipeliǥawang nu zaan haazà is langun he menge linimbag he menge langgam wey menge keranapranap, su wey mengevuwad sikandan wey zan meeneb is tivuuk he kelibutan.”

Genesis 8:19

Ne migawas daan dutun is kada paris te langun he menge kelasi te egeǥehinawa sumalà is kelasi zan: menge langgam, menge keranapranap, wey menge tagbis.

Genesis 9:2

Utew egkehandek keniyu is langun he menge langgam: is ebpemenhipanew, is ebpemenlayang, is ebpemenanap, wey is diyà ebpen-ubpà te wahig. Iyan kew ebayàbayà kandan te langun.

Genesis 9:7

Ne mesigudu kew mevuwad wey kew mebmezakel ne wey kew mekeeneb te tivuuk he kelibutan.”

Job 12:7

“Istudyu ka pinaaǥi te kebpeniid te minsan hengkey he kelasi te zuen din gehinawa: is ebpemenhipanew, is ebpemenlayang, is ebpemenanap, wey is ebpemenlayewlayew.

Job 26:5

“Egkerkeren te kegkahandek is menge minatey ziyà te nesevukan dan he ziyà te zizalem te wahig.

Job 7:12

He Megbevayà, maan is mibenteyanan a kenikew? Dragun e ve ziyà te zaǥat?

Salmo 148:7

Deliǥa niw is Nengazen, sikiyu is langun kayi te kelibutan, menge dezekelà he langgam he ziyà te zaǥat, wey is langun diyà te kinezeleman en te zaǥat.

Exodus 1:7

piru meǥaan dà nevuwad is menge kevuwazan dan, ne utew en subra is kahabet dan, umbe nekeeneb en sikandan dutun te tanà te Ehipto he neubpaan dan.

Exodus 8:3

Utew edsubra is kebmahabet te menge vakbak diyà te Wahig he Nilo ne edseled dan diyà te turuǥan nu, diyà te ruǥu nu wey minsan diyà te hizeǥaan nu. Edseled dan daan diyà te menge valey te menge upisyal nu wey te ginsekupan nu, ragkes en is menge avu wey menge lugar he ebmesahan te herina.

Ezekiel 32:2

“Sikew is etew, penhulùhulù ka mehitenged te Faraon he hadì te Ehipto. Ne keǥiya nu heini ziyà te kandin: Mid-isip nu he iring ka te erimaung he ibpedleleyunè din dà te edhipanew is menge nasyun. Piru iyan benar is iring ke zà te vuaya he ed-en-enunung diyà te wahig nu. Edsimbeǥen nu te paa nu is wahig ne egkeleveg heini.

Jonas 1:17

Ne zuen utew zekelà he isdà he inteǥana te Nengazen su wey zin meeveleng si Jonas, ne ziyè si Jonas te ǥetek dutun te isdà seled te tetelu he andew wey tetelu he kezukileman.

Jonas 2:10

Ne midsuǥù te Nengazen sikan is isdà he iutè din si Jonas diyà te veyvey, ne midtuman dutun te isdà haazà is insuǥù kandin.