Genesis 1:2 - Manobo Western Bukidnon OT

² Ne zutun, kenè pa hustu is kegkeveeli te kelibutan ne wazè din taǥù. Ne ziyà te zivavew te utew mezalem he wahig ne utew merusirem, diyà medriǥuriǥu is Mulin-ulin te Megbevayà.

Genesis 1:2 ပူးပေါင်းရင်းမြစ်များ

Job 26:14

Heini zeisey zà he menge vaal he mibeelan din. Igkepetug-iring dà heini te naasnaas he nezineg ta. Ne ǥuntaan hentei man is ebpeketegkad te kegkemekeǥeǥehem te Megbevayà?”

Job 26:7

Indempas te Megbevayà is dizaya he langit diyà te mehiǥawan he lugar, ne insavuk din is kelibutan diyà te kawangkawang.

Job 38:9

Iyan a midtambun te zaǥat te menge ǥapun wey kerusirem.

Job 41:32

Is wahig he egkeveyaan din eburàburà te meputì, he henduen be te meputì he vulvul is ked-ahaa zuen.

Salmo 104:30

Egkeuyag sikandan emun ebeǥayan nu sikandan te ǥehinawa. Iyan heini paaǥi te kebmahabet te uuyag he menge linimbag kayi te kelibutan.

Salmo 104:6

Iring te manggad is wahig he intambun nu te kelibutan, ne nesapal is menge vuvungan.

Salmo 136:6

Impelastar zin is tanà diyà te ebpekelapew te wahig. Wazà pidtemanan te ǥaǥew zin.

Salmo 148:7

Deliǥa niw is Nengazen, sikiyu is langun kayi te kelibutan, menge dezekelà he langgam he ziyà te zaǥat, wey is langun diyà te kinezeleman en te zaǥat.

Salmo 33:6

Pinaaǥi te lalag te Nengazen, nehimu is langit: andew, bulan, wey menge vituen.

Isaias 31:5

Iyan a, Nengazen he Mekeǥeǥehem, iyan a ebantey te Jerusalem he iring te tagbis he ebantey te salag din. Edipinsahan ku wey edlibriyen ku heini.”

Isaias 45:18

Iyan ka Nengazen, kes Megbevayà. Midlimbag nu is langit wey is kelibutan. Wazè nu himuwa is kelibutan he mehiǥawan, kekenà, mibeelan nu heini su wey meubpai. Migkaǥi ka te, “Iyan a Nengazen, ne wazè en duma pa.

Jeremias 4:23

Neehè ku is kelibutan he wazè din purma wey taǥù. Neehè ku zaan is langit he wazè din kerayag.

Nahum 2:10

Egkezeetan, egkeǥevà, egkevengkag en is Nineve! Umbe egkulbaan en is menge meǥinged kayi; egkerkeren is tivuuk he lawa zan, egkerkeren is menge vuel zan, ne ebmemeluntak sikandan.

Deuteronomio 32:11

Mibentayan din sikandan dutun iring te ked-elima te kulaǥu te menge pispis din, dutun te ed-eǥaken din sikandan te kedlayang. Ebekaren din is menge pakpak din te kedtamuk wey ked-uwit kandan.