Genesis 1:12 - Manobo Western Bukidnon OT

¹² Midtuvù dutun te tanà is langun he kelasi te menge sagbet he zuen dan lisu wey is minsan hengkey he kayu he ebpemeǥas he zuen lisu ziyà te menge veǥas dan. Ne naahà te Megbevayà he meupiya zaan haazà.

Genesis 1:12 ပူးပေါင်းရင်းမြစ်များ

Genesis 1:11

Ne zutun migkaǥi is Megbevayà te, “Medtuvù diyà te tanà is migkelingulingu he menge pinemula: is menge pinemula he zuen menge lisu wey is minsan hengkey he kayu he ebpemeǥas sumalà te kelasi zan.” Ne nehimu haazà.

Genesis 1:13

Ne mibmezukilem dutun, ne hein nepawè en, ne nehimu is iketelu he andew.

Salmo 104:14

Impetuvù nu is menge sagbet he para te menge leew wey menge uyaǥen, wey is menge pinemula he para te menge etew su wey zan mekekaan te menge abut kayi.

Isaias 61:11

Is tanà ebpetuvù te venì ne is Nengazen he MEGBEVAYÀ ebeǥey te kezeeǥan duma is ketazeng, ne edeliǥen sikandin te menge etew ziyà te langun he menge nasyun.