Ezra 4:3 - Manobo Western Bukidnon OT

³ Piru iyan heini tavak eni Zerubabel, Jeshua, wey te menge pengulu te menge pemilya: “Midsuǥù key ni Hadì Cyrus he hadì te Persia he umana zey venguna is baley te Nengazen, piru wazè niw kayi lavet te kebangun kayi para te Megbevayè dey. Iyan key zà ebangun kayi para te Nengazen he Megbevayà te Israel.”

Ezra 4:3 ပူးပေါင်းရင်းမြစ်များ

2 Cronica 36:22

Dutun te nehuna he tuig te kedhadì ni Cyrus diyà te Persia, insavuk te Nengazen diyà te ǥehinawa ni Cyrus he medsurat te sevaha he pehibelu he ibpehibelu ziyà te tivuuk he ginhedian din. Nehitavù heini su wey metuman is migkaǥi te Nengazen pinaaǥi ki Jeremias.

Ezra 1:1

Dutun te nehuna he tuig te kedhadì ni Cyrus diyà te Persia, insavuk te Nengazen diyà te ǥehinawa ni Cyrus he medsurat te sevaha he pehibelu he ibpehibelu ziyà te tivuuk he ginhedian din. Nehitavù heini su wey metuman is migkaǥi te Nengazen pinaaǥi ki Jeremias.

Ezra 1:2

“Iyan heini impehibelu ni Hadì Cyrus he hadì te Persia: “Imbeǥey kedì te Nengazen he Megbevayà diyà te langit, is langun he ginhedian kayi te kelibutan, ne insarig din kedì is kebangun diyà te Jerusalem he sakup te Juda te valey he para kandin.

Ezra 1:3

Sikiyu is langun he menge etew te Megbevayà, likù kew en diyà te Jerusalem ne umana niw venguna is baley te Nengazen he Megbevayà te Israel, he mid-ubpà keniyan he inged. Ne verakat he mebpekiduma sikandin keniyu.

Ezra 3:8

Mibpuunan is kebenguna zuen te valey te Nengazen te ikezuwa he vulan te ikezuwa he tuig puun te kebpekeulì te menge Israilihanen diyà te Jerusalem. Mibpeug-uǥupà he edterebahu is langun he mid-ulì diyà te Jerusalem puun te kegkevihag, ragkes en ensi Zerubabel he anak ni Shealtiel, Jeshua he anak ni Jozadak wey is duma zin he menge memumuhat, wey menge Levihanen. Is midseriǥan te kedumala te kebenguna zuen te valey te Nengazen iyan is menge Levihanen he 20 he tuig is keǥurang dan pehendiyà te metikang.

Nehemias 2:20

Midtavak ku sikandan te, “Ebmelempusen key pinaaǥi te tavang te Megbevayà diyà te langit. Sikami is menge suluǥuen din ebpuunan dey is kebangun te menge verengbeng te Jerusalem. Piru sikiyu, wazè niw lavet wey ketenged kayi te Jerusalem, wey wazè kew meragkes te keguǥuza mehitenged kayi he inged.”

Isaias 44:28

Migkeǥiyan ku si Cyrus te, “Iyan ka ed-elima te menge etew ku, ne veeli nu is langun he egkesuatan ku. Ne suǥù ka he ed-umanan ebenguna is Jerusalem wey is baley kayi.”

Isaias 45:4

Midtawag ku sikew su wey nu metevangi is Israel he suluǥuen ku, he iyan kes menge etew he pinilì ku. Mibeǥayan ku sikew te zengeg minsan wazè ka mekekilala kedì.