Ezra 10:9 - Manobo Western Bukidnon OT

⁹ Umbe, seled te tetelu he andew midtiǥum is langun he menge etew te Juda wey Benjamin, ne mibpinuu zan diyà te pelasa te valey te Megbevayà diyà te Jerusalem. Neulaula heini hein ike-20 he andew te ike-9 he vulan. Ebpengerkeren is menge etew zutun su utew meheǥet is ketuyuan te ketiǥuman dan wey tenged te mereǥes he uzan.

Ezra 10:9 ပူးပေါင်းရင်းမြစ်များ

Ezra 10:10

Ne zutun midhitindeg si Ezra he memumuhat ne migkeǥiyan din sikandan te, “Nekesalè kew tenged te mibpengesawa kew te kenà menge Israilihanen. Ne tenged kayi mid-umanan niw pa is salà te Israel.

Ezra 10:3

Umbe, ǥuntaan ebpezumdumahan dey is sambag nu wey is sambag te zuma he edtahud te menge suǥù te Megbevayè tew. Ebpenangdù key ziyà te Megbevayè tew he edsegseǥen dey heini he menge vahi ragkes en is menge anak dan. Edtumanen dey is nekaǥi te Kesuǥuan.

Ezra 9:4

Ne mid-amur-amur kayi te kedì is menge etew he nahandek te menge lalag te Megbevayà diyà te menge Israilihanen mehitenged te kegkemesinupaken te zuma zan he menge Israilihanen he nemen-ulì puun te kegkevihag. Mibpinuu e zà is neseeng taman te neuma is uras te mahapun he kebpemuhat.

Jeremias 10:10

Piru iyan is Nengazen tutuu he Megbevayà. Iyan sikandin uuyag he Megbevayà ne Hadì sikandin te wazà pidtemanan. Emun egkepauk sikandin, egkehuyung is kelibutan ne ed-eles is diyà te menge nasyun.

Jeremias 10:13

Pinaaǥi te kebmandù din, edreǥuuk is wahig diyà te langit. Iyan sikandin ebpeǥawas te menge kivel he ebpuun diyà te meziyù he vahin te kelibutan. Ibpekilat din ke ed-uzan, wey ibpepengeramag din te ebpuun diyà te midteǥuan din duen.

Jeremias 36:22

Timpu haazà te meǥenew ne sikan is hadì diyà te ruǥu he hizezengà, is edhidhizazang.