Ezra 10:3 - Manobo Western Bukidnon OT

³ Umbe, ǥuntaan ebpezumdumahan dey is sambag nu wey is sambag te zuma he edtahud te menge suǥù te Megbevayè tew. Ebpenangdù key ziyà te Megbevayè tew he edsegseǥen dey heini he menge vahi ragkes en is menge anak dan. Edtumanen dey is nekaǥi te Kesuǥuan.

Ezra 10:3 ပူးပေါင်းရင်းမြစ်များ

2 Hadì 11:17

Ne impehimu ni Jehoyada haazà is hadì wey is menge etew te kebpekid-uyun te Nengazen he menge etew en sikandan te Nengazen. Impehimu zin daan is uyun te hadì wey menge etew.

2 Cronica 29:10

Piru ǥuntaan disididu a he ebpekid-uyun kew te Nengazen he Megbevayà te Israel, su wey maawà is utew zin kegkepeuki kenitew.

2 Cronica 30:12

Midhimu zaan te Megbevayà is menge tig-Juda he mesevaha sikandan te kedtuman te mandù te hadì wey te menge upisyal, sumalà is insuǥù te Nengazen.

2 Cronica 34:21

“Insai niw is Nengazen para kedì wey para te nesamà he menge etew te Israel wey Juda mehitenged te ingkesurat kayi te libru he naahà. Utew kiw nepeuki te Nengazen su wazà medtuman is menge kepuun tew te lalag te Nengazen. Wazè kiw medtuman te menge ingkesurat kayi he libru.”

2 Cronica 34:27

Mibpemineg ku is pengemuyù nu tenged te kedsendit nu wey kebpekevevaa nu te keugelingen nu ziyà te etuvangan ku hein nezineg nu is migkaǥi ku he ebpekesuǥat kayi he lugar wey te menge meǥinged kayi. Mibindas nu is kumbalè nu wey midsineǥew ka ziyà te etuvangan ku su nekedsendit ka. Umbe siak is Nengazen migkaǥi a te

Ezra 10:11

Ne ǥuntaan itug-an niw is menge salè niw ziyà te Nengazen, he Megbevayà te menge kepuun niw, ne veeli niw is egkesuatan din. Isivey niw is keugelingen niw ziyà te kenà menge Israilihanen he nekeliǥuy keniyu, wey suwayi niw is menge esawa niw he kenà menge Israilihanen.”

Ezra 10:44

Heini sikandan is langun, nemengesawa te menge vahi he kenà menge Israilihanen, ne is duma kandan duen dan en menge anak dutun he menge vahi.

Ezra 10:9

Umbe, seled te tetelu he andew midtiǥum is langun he menge etew te Juda wey Benjamin, ne mibpinuu zan diyà te pelasa te valey te Megbevayà diyà te Jerusalem. Neulaula heini hein ike-20 he andew te ike-9 he vulan. Ebpengerkeren is menge etew zutun su utew meheǥet is ketuyuan te ketiǥuman dan wey tenged te mereǥes he uzan.

Ezra 9:4

Ne mid-amur-amur kayi te kedì is menge etew he nahandek te menge lalag te Megbevayà diyà te menge Israilihanen mehitenged te kegkemesinupaken te zuma zan he menge Israilihanen he nemen-ulì puun te kegkevihag. Mibpinuu e zà is neseeng taman te neuma is uras te mahapun he kebpemuhat.

Nehemias 10:1

Is nehuna he mibpirma iyan si Gubirnedur Nehemias he anak ni Hacalia, wey si Zedekia.

Nehemias 8:14

Nediskubri zan diyà te Kesuǥuan he pinaaǥi ki Moises midsuǥù sikandan te Nengazen is menge Israilihanen he kinahanglan med-ubpè dan diyà te menge lawig dutun te timpu te pista he edhimuwen te ikepitu he vulan.

Nehemias 9:38

“Ne tenged dutun, midhimu key is menge Judio te sevaha he melig-en he kebpekid-uyun. Insurat haazà ne mibpirmahan te menge pengulu zey, menge memumuhat dey, wey menge Levihanen.”

Salmo 119:120

Egkerkeren a te kegkahandek kenikew; ingkahandek ku utew is kedhukum nu.

Salmo 119:59

Mid-isip-isip a ke mibmenumenu ku is kebpengungubpaan ku, ne midisisyun a te kedsunud te menge penurù nu.

Isaias 66:2

Kenè be iyan a mibaal te langun he menge vutang? “Siak, is Nengazen egkaǥi te: Edseǥipaan ku is menge etew he kenà ebpelavew wey ed-engked he ebaal te salà wey igkahandek dan is lalag ku.

Isaias 8:20

Kinahanglan he is kesuǥuan wey penurù te Nengazen ne iyan niw ebpemineǥen. Emun duen menge etew he egkaǥi te supak te menge penurù te Nengazen, heeyan he menge etew wazà meteyawi is isip dan.

Ezekiel 9:4

ne migkeǥiyan din te, “Liǥuya is Jerusalem ne merkahi nu is buked duen te ingkeseeng dan is utew mezaat he menge vaal he mibeelan diyà te seled te inged.”

Deuteronomio 29:12

Midhitindeg kew ǥuntaan kayi te kebpekid-uyun te Nengazen he Megbevayè niw. Heini he kebpekid-uyun, ebeelan te Nengazen diyà te keniyu ǥuntaan he andew duma is kepenangdù din,

Josue 9:6

Midhendiyè dan te ki Josue ziyà te kampu te Israel ziyà te Gilgal ne migkeǥiyan dan sikandin wey is menge Israilihanen te, “Midhendini key is ebpuun diyà te meziyù he lugar para zà te kedhangyù keniyu he ed-uyun kiw, ne penangdù kew ziyà te kenami he kenè key keniyu edhilevetan.”