Ezra 10:2 - Manobo Western Bukidnon OT

² Ne zutun migkeǥiyan si Ezra ni Shecania he anak ni Jehiel, he kevuwazan ni Elam te, “Kenè key mepezumdumahan te Megbevayè tew su nengesawa key te menge vahi he kena Israilihanen he ebpuun diyà te menge etew he nekeliǥuy kenitew. Piru minsan pa te iyan heeyan ebpekeperateng kiw ǥihapun is menge etew te Israel.

Ezra 10:2 ပူးပေါင်းရင်းမြစ်များ

Ezra 10:26

si Matania, Zacarias, Jehiel, Abdi, Jeremot, wey si Elias, he ebpuun diyà te pemilya ni Elam;

Ezra 8:7

si Jeshaya he anak ni Atalia wey is menge zuma zin he 70 he menge maama, he ebpuun diyà te pemilya ni Elam

Ezra 9:1

Migkaǥi pa si Ezra te: Ne hein neulaula en heini, midhendiyà te kedì is menge pengulu te menge Judio he ke sikandan te, “Mahabet he menge etew te Israel, ragkes en is menge memumuhat wey menge Levihanen, is mid-iring te ulaula te menge etew ziyà te peliǥuy zan. Ebeelan dan is utew mezaat he menge vaal te menge Canaanhen, menge Hitihanen, menge Pirisihanen, menge Jebusihanen, menge Amorihanen, menge Moabitanhen, menge Ehiptohanen, wey menge Amunihanen.

Ezra 9:2

Nemengesawa pa ganì sikandan wey is menge anak dan te menge vahi he ebpemuun keniyan he menge etew. Umbe is menge etew he pinilì te Megbevayà nesehuǥan te zuma he menge etew. Ne is menge pengulu tew wey menge upisyal iyan en nengulu te kebaal kayi.”

Nehemias 13:27

Ne kenè dey idtuǥut keniyu is kebaal kayi te mezaat he vaal he paaǥi te kedluib te Megbevayè tew he iyan is kebpengesawa niw te kenà menge Israilihanen.”

Nehemias 3:29

Is sunud kandan iyan si Zadok he anak ni Imer. Mibangun din is bahin te verengbeng he ziyà ebpekesinaru te valey zin. Is sunud kandin iyan is anak ni Shecania he si Shemaya, he vantey te Pultahan diyà te Edsilaan.

Exodus 34:12

Kenè ka mebpekid-uyun diyà te menge etew he ebpemen-ubpà diyà te tanà he ebeyaan niw, su ebpekekaid keniyu is kebpekid-uyun niw kandan.

Erubasa 28:13

Is etew he id-eles din is menge salè din ne kenà ed-uswag, iyan, is etew he idtug-an din wey ed-engkezan din te ed-ulaula is menge salè din, igkehizu sikandin te Megbevayà.