Exodus 7:3 - Manobo Western Bukidnon OT

³ Ne ebpengelinteuwan ku he kenà ed-uteng is menge lalag niw ziyà te ǥehinawa te hadì, ne minsan ke mezakel he menge singyal wey egkengein-inuwan he menge vaal is ebeelan ku ziyà te Ehipto,

Exodus 7:3 ပူးပေါင်းရင်းမြစ်များ

Nehemias 9:10

Mibaal ka te menge singyal wey menge egkein-inuwan he menge vaal he nekesuǥat te hadì te Ehipto, wey te langun he menge upisyal zin wey menge etew zin. Su netuenan nu he midaagdaag dan is menge kepuun dey. Ne taman en guntaan kemulu egkevantug is ngazan nu.

Salmo 135:9

Diyà te Ehipto, mibaal sikandin te menge singyal wey menge egkein-inuwan he menge vaal te kedsilut te hadì te Ehipto wey is langun he menge upisyal zin.

Salmo 78:12

Egkein-inuwan is mibeelan te Megbevayà diyà te Zoan he sakup te tanà he Ehipto, ne naahà haazà te menge kepuun tew.

Exodus 11:10

Nemetmetahan te hadì te Ehipto is kebpaahà ni Moises wey ni Aaron duen te langun he egkengein-inuwan, iyan, midhimu te Nengazen is gehinawa zin he mezesen he kenà edtuǥut he mekeǥenat is menge Israilihanen puun te Ehipto.

Exodus 11:9

Daan he migkaǥi is Nengazen diyà te ki Moises te, “Kenè ka ebpemineǥen te hadì su para ikepeehè ku kayi te Ehipto is mezakel he menge vaal ku he egkengein-inuwan.”

Exodus 14:4

Ne edhimuwen ku he mebmezesen is gehinawa te hadì su wey kew zin mezal-as. Piru edèdeetan ku sikandin wey is menge sundaru zin. Ne pinaaǥi kayi egkeveǥayan a te zengeg, ne egketuenan te menge Ehiptohanen he iyan a kes Nengazen.” Umbe, mid-ulaula heini te menge Israilihanen.

Exodus 3:20

Ne tenged te kenè din kedtuǥut ibayew ku is belad ku te kebpigada te menge Ehiptohanen pinaaǥi te menge egkengein-inuwan he ibpezayag ku ziyà te kandan, ne emun egkeuleule en heini ne edtuǥutan kew zin en human te kegenat.

Exodus 4:21

Migkaǥi is Nengazen diyà te ki Moises te, “Emun diyè ke en te Ehipto kinahanglan he ipeehè nu te hadì te Ehipto is langun he menge singyal he impeehè ku kenikew. Imbeǥey ku en kenikew is gehem te ked-ul-ulaha zuen. Ne zutun ebpengelinteuwan ku he kenà haazà med-uteng diyà te ǥehinawa zin su wey kew zin kenà metuǥuti te ked-awà puun te Ehipto.

Exodus 4:29

Umbe midhendiyè dan is dezuwa, ne midtiǥum dan is langun he ebpemendumala te menge Israilihanen.

Exodus 4:7

Ne migkaǥi is Nengazen te, “Iuman nu isuksuk diyà te kumbalè nu.” Ne inlikù ni Moises isuksuk is belad din diyà te kumbalè din, ne hein in-awè din ne iring ded te zuma he vahin te lawa zin su neulian en.

Exodus 7:13

Iyan, wazà haazà med-uteng diyà te ǥehinawa te hadì ne wazè din pemineǥa si Moises wey si Aaron sumalà is daan he impetizaan kandan te Nengazen.

Exodus 9:16

Iyan, intuǥut ku he meuyag-uyag ka para kayi he ketuyu-an: su wey nu maahà is gehem ku ne wey a mevantug kayi te tivuuk he kelibutan.

Erubasa 21:1

Is isip te menge hadì ne iring te wahig he iyan ebayàbayà is Nengazen te kedtudè din. Iyan ebayàbayà kayi sikandin sumalà te egkesuatan din.

Isaias 51:9

Sigi en Nengazen, tevangi key en. Gemita nu is gehem nu te kedlibri kenami. Tevangi key iring te mibeelan nu zengan. Kenè be iyan ka midtadtad te dragun he si Rahab?

Micas 7:15

Ipeehè key kenikew te menge egkein-inuwan iring te mibeelan nu zengan hein impeǥawas key kenikew puun diyà te Ehipto.

Deuteronomio 4:34

Duen be selakew en he Megbevayà he migkuwa zin is grupu te menge etew puun te sevaha he nasyun pinaaǥi te penggezam, egkengein-inuwan he menge hitavù, tebek, dekelà he ǥehem, wey mekeǥeǥehem he menge vaal para maangken din? Wazà! Piru iyan heeyan mibeelan te Nengazen he Megbevayè niw ziyà te Ehipto, ne neseksiyan niw heeyan.

Deuteronomio 7:19

Iyan kew mismu nekesaksi te zekelà he penggezam, egkein-inuwan he menge hitavù, wey is dekelà he ǥehem he migamit te Nengazen he Megbevayè niw te kebpeǥawas keniyu. Ne iring ded dutun is ebeelan te Nengazen he Megbevayè niw ziyà te langun he menge etew he igkahandek niw.