Exodus 5:2 - Manobo Western Bukidnon OT

² Ne migkaǥi is hadì te, “Hentei is Nengazen he ebpepezumdumahan niw kedì is lalag din he tuǥuti ku is menge kevuwazan ni Israel te kegenat? Wazè ku mekilala is Nengazen ne kenè ku edtuǥutan is menge kevuwazan ni Israel te kegenat.”

Exodus 5:2 ပူးပေါင်းရင်းမြစ်များ

2 Hadì 18:35

Hentei te menge ed-ezapen kayi he menge nasyun is nekelibri te nasyun dan puun te gehem ku? Ne ebmenmenuwen man te Nengazen is kedlibriya zin te Jerusalem puun te gehem ku?”

2 Cronica 32:14

Wazà minsan sevaha zutun te menge ed-ezapen diyà te menge nasyun he midezeetan ku etawa midezeetan te menge kepuun ku he nekelibri te menge etew zin puun te gehem ku. Ne kenà daan ebpekelibri keniyu is megbevayè niw.

2 Cronica 32:15

Kenè kew peliveg wey petuntu ki Hezekia. Kenè niw sikandin tuuwi, su wazà ed-ezapen diyà te minsan hendei he nasyun etawa ginhedian he ebpekelibri te menge etew zin puun te gehem ku etawa gehem te menge kepuun ku. Ne tuwas pa he kenà ebpekelibri is keniyu he megbevayà!”

2 Cronica 32:19

Heini he menge upisyal mezaat is menge lalag dan he ebpekesuǥat te Megbevayà he ed-ezapen te menge tig-Jerusalem iring te menge lalag dan he ebpekesuǥat daan diyà te menge ed-ezapen diyà te zuma he menge nasyun he bineelan dà te etew.

Nehemias 9:10

Mibaal ka te menge singyal wey menge egkein-inuwan he menge vaal he nekesuǥat te hadì te Ehipto, wey te langun he menge upisyal zin wey menge etew zin. Su netuenan nu he midaagdaag dan is menge kepuun dey. Ne taman en guntaan kemulu egkevantug is ngazan nu.

Job 15:25

Egkehitavù heini ziyà te kandin su ǥeina te midribildiyan din is Megbevayà he Mekeǥeǥehem wey midsukulan din.

Job 15:26

Henduen be te migawed sikandin te melig-en he kelasag he andam en he edsukul te Megbevayà.

Job 21:15

Hentei ke man is egngezanan he Mekeǥeǥehem? Maan is ereg ka he edsilbiyan dey? Ne hengkey is egkekuwa zey emun ed-ampù key ziyà te kenikew?’

Salmo 10:4

Tenged te kegkemepelevawen te menge lalung, ne kenè en sikandan ebpetavang kenikew. Kenè dan ed-isipen is mehitenged kenikew.

Salmo 12:4

Ke sikandan te, “Ebmezeeǥen key pinaaǥi te kebpahambug dey. Ebpekehimu key he egkaǥi te minsan hengkey he egkesuatan dey, ne wazà ebpekezawey kenami.”

Salmo 12:5

Migkaǥi is Nengazen te, “Edtevangan ku is menge egkaayuayu su edèdaaǥen sikandan, ne utew subra is kebpekeantus dan. Egkelesaǥan ku sikandan su iyan heini ebperetengen dan.”

Salmo 14:1

Is menge tulebung, egkaǥi sikandan diyà te gehinawa zan te, “Wazà Megbevayà!” Pudu sikandan lalung ne utew mezaat is menge vaal zan. Wazà minsan sevaha kandan he ebaal te meupiya.

Exodus 3:19

Iyan, netuenan ku he kenè kew edtuǥutan duen te hadì te Ehipto emun wazà ebpeǥes kandin.

Exodus 7:17

Siak, is Nengazen, egkaǥi a he pinaaǥi te edhimuwen ku, egketuenan nu he iyan a Nengazen. Pinaaǥi kayi he tuked, idlagkut ku heini ziyà te wahig he Nilo ne ebaluy he lengesa is wahig.

Erubasa 30:9

Su emun utew zekelà is ketiǥeyunan ku kela ke iyan ku haazà meseriǥi ne iyan ku sikew egkeiniyuǥan; ne emun pubri a, kela ke mekepemenakew a ne egkepeel-elezan ku sikew.

Jeremias 42:13

“Iyan, emun kenè niw edtumanen heini is nekaǥi te Nengazen he Megbevayè niw su egkaǥi kew te, ‘Ed-awè key kayi he tanà.

Jeremias 48:26

“Lenguta is Moab, su nekidsukulà kediey. Egkelilid sikandin diyà te keugelingen din he utà ne egkehimu he egkeengitan.

Daniel 3:15

Guntaan ebmenduan ku sikiyu te ked-azap duen te ledawan emun egkezineg niw is daǥing te menge instrumintu. Su emun kenè kew ed-azap; segugunè ku sikiyu ibpetimbag duen te egkiràkirà he rapug. Ed-ahaan ta ke zuen be ed-ezapen he ebpekelibri keniyu.”

Zatù 2:10

Ne hein nemematey en is menge etew zutun he lapis te kevuwazan, nekeilis is sunud he lapis te kevuwazan he wazà mekekilala te Nengazen wey wazè dan hanew ke hengkey is mibeelan te Nengazen para te Israel.

1 Samuel 2:12

Is dezuwa he menge anak ni Eli menge tulebung he menge etew. Wazè dan medtuman te suǥù kandan te Nengazen.

1 Samuel 25:10

Wazà itetepian ni Nabal si David. Migkeǥiyan din dà is menge sakup ni David te, “Hentei heini si David he anak ni Jesse? Guntaan he menge andew mezakel is menge suluǥuen he ebpen-awà diyà te egalen dan.