Exodus 4:3 - Manobo Western Bukidnon OT

³ Ne migkaǥi is Nengazen te, “Itimbag nu ziyà te tanà.” Ne intimbag ni Moises haazà diyà te tanà ne mibaluy he uled, ne zutun nepeleǥuyan din tenged te kegkahandek din.

Exodus 4:3 ပူးပေါင်းရင်းမြစ်များ

Exodus 4:17

Iyan, uwita nu heeyan is tuked he egewezan nu su pinaaǥi keniyan ebpekehimu ka te menge singyal.”

Exodus 4:4

Ne migkaǥi is Nengazen diyà te kandin te, “Kuwaa nu, ne ziyè nu ǥewazi te ikug.” Umbe migkuwa ni Moises haazà is uled ne te kegkegewezi zin dutun mibaluy zed he tuked.

Exodus 7:9

“Emun egkeǥiyan kew te hadì te Ehipto te peehè kew te singyal, ne keǥiyi nu Moises si Aaron te, ‘Itimbag nu is tuked nu ziyà te etuvangan te hadì ne ebaluy haazà he uled.’ ”

Amos 5:19

Egkeiring kew te etew he egkeisip din he nelibri en sikandin su nepeleǥuyan din en is erimaung, piru bir ves is egkesinuǥung din. Etawa egkeisip din he wazè en ebpekekaid kandin su ziyè en sikandin te seled te valey zin, piru ked-ulembè din diyà te elavat ne migkaǥat is belad din te uled.