Exodus 38:22 - Manobo Western Bukidnon OT

²² Is midumala te kebenguna zuen te Tulda he Ed-ezapan, iyan si Bezalel he anak ni Uri he apù ni Hur, he ebpuun diyà te tribu ni Juda. Mibeelan din is langun he insuǥù te Nengazen ki Moises.

Exodus 38:22 ပူးပေါင်းရင်းမြစ်များ

1 Cronica 2:20

Si Hur, ne amey ni Uri, ne si Uri, ne amey ni Bezalel.

Salmo 119:6

Emun edtumanen ku is langun he menge suǥù nu, kenà a egkepeel-elezan.

Exodus 35:30

Migkeǥiyan ni Moises is menge Israilihanen te, “Mibpilì te Nengazen si Bezalel, is anak he maama ni Uri he apù ni Hur he sakup te tribu ni Juda.

Exodus 38:21

Iyan heini menge himan he neǥamit te kebpehitindeǥa zuen te Tulda he Ed-ezapan he zutun itaǥù sikan is Kesuǥuan. Heini is menge himan, inlista te menge kevuwazan ni Levi sumalà te suǥù ni Moises. Heini he vuluhaten, iyan midumala zuen si Itamar he anak ni Aaron he memumuhat.

Jeremias 1:7

Piru migkaǥi is Nengazen kayi te kedì te, “Kenè ka megkaǥi te vetan-en ke pa. Kinahanglan he hipanew ka minsan hendei ku sikew edsuǥua, ne keǥiya nu is minsan hengkey he ibpekaǥi ku kenikew.