Exodus 38:18 - Manobo Western Bukidnon OT

¹⁸ Is kurtina ziyà te pultahan dutun te lama, ne manggad he linu he miburdahan te meitem is kaavuavu zin, merudtem wey kanggan. Ne utew heini mibpurungan te eburda. Is keluǥayad kayi, 30 he ǥiek, ne is ketikang din, pitu wey tengà he ǥiek, iring te ketikang te menge kurtina ziyà te peliǥuy zuen te lama.

Exodus 38:18 ပူးပေါင်းရင်းမြစ်များ

2 Cronica 3:14

Is kurtina he nekaalang duen te Utew Segradu he Lugar manggad he linu he imburda zutun is meitem is kaavuavu zin, merudtem wey kanggan, imburda zaan dutun is kirubin.

Exodus 26:1

“Ipeveeli nu is Tulda he Ed-ezapan. Is egemiten te kebeeli kayi, ne sepulù he lukut he linu he eburdahan te welin he meitem is kaavuavu, merudtem wey kanggan. Ne pepurungi nu heini peburdahi te zagwey te menge kirubin.

Exodus 26:36

“Pevaal ka zaan te sevaha pa he kurtina, he para te ǥemawan dutun te Tulda he Ed-ezapan. Is kurtina kinahanglan he linu he eburdahan te welin he meitem is kaavuavu zin, merudtem wey kanggan. Kinahanglan he meupiya is kegkeburdahi kayi.

Exodus 38:17

Is menge pundasyun te menge tukud, brunsi, ne is menge kaw-it wey menge kebilya kayi, ne pelata. Is menge in-ulu te menge tukud, mid-epizan te pelata. Is langun he menge tukud dutun te peliǥuy te lama, ne zuen daan menge kebilya he pelata.

Exodus 38:19

Heini he kurtina, impikit diyà te heepat he tukud he impehulma ziyà te heepat daan he brunsi he peuntuzà. Is menge kaw-it wey menge kebilya zutun te menge tukud, ne pelata, wey mid-epizan te pelata is menge in-ulu zutun te tukud.