Exodus 32:2 - Manobo Western Bukidnon OT

² Ne migkaǥi si Aaron diyà te kandan te, “Pemul-uta niw is bulawan he menge eritis he in-eeritis te menge esawa niw wey menge anak niw, ne uwita niw kayi te kediey.”

Exodus 32:2 ပူးပေါင်းရင်းမြစ်များ

Genesis 24:22

Ne hein nekeinum en is menge kemilyu, midkedkad duen te suluǥuen is uwiten din he ǥalunggalung he vulawan he heenem he gramu is keveǥat din. Midkedkad din daan is dezuwa he rintì he vulawan he 120 he gramu is keveǥat. Ne imbeǥey zin haazà ki Rebeka.

Genesis 24:47

Ne kegkepasad dutun, mid-insaan ku sikandin ke hentei sikandin ki anak. Midtavak sikandin te, ‘Anak a ni Betuel te anak ni Milca he esawa ni Nahor.’ Ne zutun mid-eritisan ku is izung din, ne imperirintì ku sikandin.

Exodus 20:23

Kenè kew mebaal te ledawan he ed-ezapen niw zaan iring te ked-ezapa niw kedì, kenè kew mebaal te ledawan he pelata wey ledawan he vulawan he ed-ezapen niw.

Exodus 32:3

Ne mibpemul-ut dutun te menge etew is menge eritis dan, ne mid-uwit dan diyà te ki Aaron.

Exodus 35:22

Is langun he egkesuat he edhalad, maama wey vahi, mid-uwit te menge mahalen he menge lipit, menge eritis, menge rintì, wey nekedseselekawà he klasi te menge elahas he vulawan. Mid-uwit dan is menge vulawan dan su impemuhat dan he pemuhat he ibayew ziyà te Nengazen.

Erubasa 25:12

Is kedawey te etew he uluwanen te etew he egkesuat he ebpemineg mahal pa heini kenà te elahas he vulawan.

Isaias 3:19

Egkuwaan daan diyà te kandan is menge eritis dan, rintì dan, lambung dan,

Isaias 30:22

Igkeremerik niw en is menge ed-ezapen niw he mibpekeplaan te pelata wey vulawan. Idtimbag niw heini iring te meremerik he terapu, ne egkaǥi kew te, “Kenè ku en sikiyu egkesuatan te ed-ahà!”

Ezekiel 16:17

Migamit nu zaan is menge pelata wey menge vulawan he menge elahas he imbeǥey ku kenikew te kebaal te menge ed-ezapen he maama ne mid-azap nu heini. Iring heini te nengumpadi ka!

Hoseas 2:8

“Wazè din isipa he iyan a mibeǥey kandin te trigu, binu, lana, wey mahabet he menge pelata wey vulawan he mibeelan dan he ledawan ni Baal.