Exodus 3:4 - Manobo Western Bukidnon OT

⁴ Ne hein naahà sikandin te Nengazen is malù ed-uvey te kedsusi, nezineg din is ked-umew te Megbevayà he ebpuun dutun te teliwazà te egkeregreg he egkaǥi te, “Moises! Moises!” Ne midtavak si Moises te, “Heini e zed.”

Exodus 3:4 ပူးပေါင်းရင်းမြစ်များ

Genesis 22:1

Midlavey is nepipira he tuig ne neuma is timpu he migezaman si Abraham te Megbevayà. Migkeǥiyan sikandin te Megbevayà te, “Abraham!” Ne midtavak si Abraham te, “Hengkey!”

Genesis 22:11

Mid-umew si Abraham te velinsuǥuen te Nengazen he ebpuun te langit te, “Abraham! Abraham!” Ne midtavak sikandin te, “Hengkey.”

Genesis 28:16

Ne nepukew si Jacob, ne ke sikandin te, “Wazè ku metueni he mibulusan bes te Nengazen heini he lugar.”

Genesis 46:2

Ne hein mezukilem, mibpaahà is Megbevayà ki Jacob. Ne mid-umew te Megbevayà si Jacob, ke sikandin te, “Jacob.” Ne midtavak si Jacob te, “Heini e zed.”

Salmo 62:11

Layun ku en egkezineg he egkaǥi is Megbevayà te kandin is gehem wey is gaǥew.

Exodus 19:3

Ne midtekezeg si Moises diyà te vuntud su ebpekidhinguma te Megbevayà. Mid-umew sikandin te Nengazen he edhenduen te, “Iyan heini keǥiya nu ziyà te menge Israilihanen he kevuwazan ni Jacob:

Exodus 3:2

Ne zutun mibpaahà kandin is belinsuǥuen te Nengazen pinaaǥi te egkeregreg he hapuy ziyà te teliwazà te dezeisey he kayu. Naahà ni Moises haazà ne minsan pa te egkeregreg haazà, iyan, kenà egketutung.

Exodus 33:12

Migkaǥi si Moises diyà te Nengazen te, “Layun a kenikew egkeǥiyi he ebpenguluwan ku heini is menge etew te kedhendiyà te tanà he ibeǥey nu kandan, iyan, wazà a kenikew keǥiyi ke hentei is ibpezuma nu kedì. Migkaǥi nu zaan he nepurung a kenikew mekilala wey igkesuat a kenikew.

Exodus 4:5

Ne migkaǥi is Nengazen te, “Pinaaǥi keniyan he singyal ebpeketuu zan he, is Nengazen, he Megbevayà he ed-ezapen te menge kepuun dan he si Abraham, si Isaac, wey si Jacob, iyan mibpaahà kenikew.”

Leviticus 1:1

Midtawag te Nengazen si Moises ne midlelaǥan din diyà te Tulda he Edtelevukaayan. Midsuǥù din si Moises te kegkaǥi kayi ziyà te menge Israilihanen: Emun duen keniyu ebpemuhat te uyaǥen diyà te Nengazen, ne mebpemuhat sikandin te vaka, kerehidu, etawa kambing.

Deuteronomio 33:16

Berakat he is tanè dan mekeveǥey te kineupiyahan he menge pruduktu pinaaǥi te keupiya te Megbevayà he mibpekidlalag diyà te egkeregreg he zeisey he kayu. Berakat he kenà maawà diyà te tribu ni Jose heini he menge tuvad su lavew sikandin te menge suled din.

1 Samuel 3:10

Midhendiyà is Nengazen te ki Samuel he midhitindeg. Ne iring ded te nehuna he mibeelan din, mid-umew zin en maan si Samuel te, “Samuel, Samuel.” Ne migkaǥi si Samuel te, “Kaǥi ka, Nengazen su ebpemineg a is suluǥuen nu.”

1 Samuel 3:4

mid-umew sikandin te Nengazen. Midtavak si Samuel te, “Hengkey, datù?”

1 Samuel 3:6

Mid-uman en maan umawa sikandin te Nengazen, “Samuel! Samuel!” Mid-enew si Samuel ne midhendiyà te ki Eli, ke sikandin te, “Hengkey, datù, maan is ed-umawen a kenikew?” Midtavak si Eli te, “Mama, wazè ku sikew umawa, likù ke en wey med-uman medlipezeng.”

1 Samuel 3:8

Mid-umew sikandin umani te Nengazen te ketetelu. Mid-enew si Samuel ne midhendiyà te ki Eli is egkaǥi te, “datù, maan is ed-umawen a kenikew?” Ne zutun netuenan ni Eli he iyan ed-umew ki Samuel is Nengazen.