Exodus 27:9 - Manobo Western Bukidnon OT

⁹ “Kinahanglan he zuen lama zutun te Tulda he Ed-ezapan, elaza niw haazà pinaaǥi te kegkurtinahi zuen te linu. Is keluǥayad te kurtina he impelingut diyà te zivavà he kilid ne 150 he ǥiek.

Exodus 27:9 ပူးပေါင်းရင်းမြစ်များ

1 Hadì 6:36

Mibpevaal zaan sikandin te lama zuen te valey te Nengazen. Neliǥuy heini te elavat he vinesbasan he menge vatu he is kada tetelu he apid duen mid-epizan te kayu he sidru.

1 Hadì 8:64

Dutun daan he andew, impehinungud duen te hadì sikan is lama he ziyà te egkesineruwan duen te valey te Nengazen. Ne nemuhat dan dutun te menge pemuhat he edtutungen, menge pemuhat he para gasa, wey menge tavà he pemuhat he para te meupiya he kedepità. Su sikan is brunsi he pemuhatà diyà te egkesineruwan duen te valey te Nengazen he utew zeisey ne kenà ed-ereg heini he menge pemuhat.

2 Cronica 33:5

Impelastar zin heini he menge pemuhatà diyà te zezuwa he lama zuen te valey te Nengazen ne egemiten haazà he menge pemuhatà te ked-azap te langun he merayag he egkengaahà diyà te langit.

2 Cronica 4:9

Mibpevaal zaan sikandin te lama para zà te menge memumuhat wey te meluag he lama ziyà te gawas. Mibpeveelan din heini te menge pultahan he ebeyaan te edseled dutun te lama ne mibpeepizan din haazà te brunsi.

Salmo 100:4

Seled kew ziyà te valey zin duma is kedalig wey kebpeselamat. Deliǥa niw wey peselemati niw sikandin.

Salmo 116:19

ziyà te lama te valey nu ziyà te Jerusalem. Deliǥa is Nengazen!

Salmo 84:10

Is senga andew he ked-ubpà diyà te valey nu ne meupiya pa te nengkelibu he andew he ked-ubpà diyà te minsan hendei he lugar. Edtumuen ku is kedhithitindeg diyà te ǥemawan te valey nu, He Megbevayà, kenà is ked-ubpà diyà te valey te menge lalung.

Salmo 92:13

Iring sikandan te menge kayu he impemula ziyà te valey te Nengazen he Megbevayè tew he meupiya is tuvù dan,

Exodus 27:10

Ibpikit heini he kurtina ziyà te 20 he tukud he brunsi he ziyà ipehitindeg te 20 daan he ebpeuntuzan duen he brunsi. Is ebpemikitan duen te menge kurtina, ne iyan is menge kaw-it he pelata he impikit diyà te menge kebilya he pelata ziyà te menge tukud.

Exodus 35:17

is menge kurtina he ibpeliǥuy te lama wey is menge tukud din wey is menge pundasyun; is kurtina ziyà te pultahan te lama;

Exodus 36:17

Ne midteuzan dan te 50 he mibpen-iring te sising is kilid duen te in-apid te mibpebpikit he menge tila,

Exodus 39:40

is menge kurtina he ibpeliǥuy zuen te lama wey is menge tukud kayi wey menge pundasyun; is kurtina te pultahan dutun te lama; is menge hiket wey menge palpal para te kurtina te lama; is langun he gelemiten dutun te Tulda he Ed-ezapan, he migngezanan daan te Tulda he Edtelevukaayan;

Exodus 40:33

Ne impelastar ni Moises sikan is menge kurtina zuen te lama, he ebpekeliǥuy zuen te Tulda, wey zuen te pemuhatà, ragkes sikan is kurtina te gemawan dutun te lama. Ne nepasad ni Moises is langun he vuluhaten.

Exodus 40:8

Ipenaud niw sikan is ibpeliǥuy zuen te Tulda he menge kurtina, ragkes sikan is kurtina zuen te gemawan te lama.

Ezekiel 40:14

Midsukud din is berengbeng puun te ǥemawan pehendiyà te varkun he ebpekesinaru te lama, ne 100 he ǥiek is keluǥayad kayi.

Ezekiel 40:17

Ne mid-uwit a zuen te etew ziyà te ǥawas he lama. Dutun duen ku naahà he 30 he menge ruǥu he nekezalandalan diyà te veyeey he simintadu he nekepeliǥuy zuen te lama.

Ezekiel 40:20

Ne midsukud duen te etew is keluǥayad wey keluag duen te veyeey he ebpekesinaru ziyà te zizaya. Heini he veyeey ibpehendiyà te ǥawas he lama.

Ezekiel 40:23

Is diyà te seled he lama he ebpekesinaru ziyà te zapit te zizaya iring te veyeey he zapit te edsilaan. Midsukud daan duen te etew is kebpekediyuey zuen te zezuwa he veyeey, ne 170 heini he ǥiek.

Ezekiel 40:28

Ne miduma a zuen te etew ziyà te seled he lama ne zuen key mebayà te veyeey ziyà te zivavà. Ne midsukud din is beyeey zutun, ne iring ded is kezekelà duen te zuma.

Ezekiel 40:32

Ne mid-umanan a zumaha zuen te etew ziyà te seled he lama. Diyè key mebayà te veyeey he zapit te edsilaan. Midsukud din is beyeey ne iring ded is kezekelè din te kezekelà duen te zuma.

Ezekiel 40:44

Duen dezuwa he ruǥu zuen te lama ziyà te seled. Is sevaha ziyà te kilid duen te veyeey he zapit te zizaya he ebpekesinaru ziyà te zivavà, ne is sevaha ziyà te kilid duen te veyeey he zapit te zivavà ne ebpekesinaru heini ziyà te zizaya.

Ezekiel 42:3

Heini he menge ruǥu, 34 he ǥiek is kebpekediyù dan duen te valey te Nengazen, ne ebpekesinaru heini zuen te simintadu he veyeey ziyà te gawas he lama. Heini he menge ruǥu, tetelu he endana

Numero 3:26

is menge kurtina ziyà te lama he impeliǥuy zuen te Tulda wey pemuhatà, ragkes en is kurtina te pultahan duen te lama, wey is menge hiket kayi. Kandan he ketengdanan is langun he vuluhaten he para kayi he menge gelemiten.

Numero 4:26

is menge kurtina zuen te lama he nekepeliǥuy zuen te Tulda wey pemuhatà, is kurtina ziyà te ǥemawan te lama, is menge hiket, wey is langun he ǥelemiten he egemiten te kebpenilbi zutun te Tulda. Kandan he vaal is langun he vuluhaten he egkeǥemitan kayi he menge gelemiten.

Numero 4:32

Iyan daan sikandan ed-uwit te menge tukud he edteuzan te menge kurtina he ibpeliǥuy zuen te Tulda, wey menge pundasyun kayi, menge palpal wey menge hiket. Kandan he vaal is langun he menge vuluhaten he egkeǥemitan kayi he menge gelemiten. Iyan kew ki Aaron kaǥi ziyà te kada sevaha kandan ke hengkey is kinahanglan he ed-uwiten dan.