Exodus 27:2 - Manobo Western Bukidnon OT

² Ne veeli niw te sungeysungey is heepat he suyuk dutun, he idredsè dà is kebeeli zuen te kebeeli zutun te pemuhatà. Kinahanglan he ed-epizan te brunsi haazà is pemuhatà.

Exodus 27:2 ပူးပေါင်းရင်းမြစ်များ

1 Hadì 1:50

Nahandek daan si Adonia ki Solomon, umbe midhendiyà sikandin te segradu he tulda ne migawed duen te menge sungeysungey te menge suyuk duen te pemuhatà.

1 Hadì 2:28

Si Joab wazà medtavang ki Absalom para mehimu he hadì si Absalom, piru midtavang sikandin ki Adonia. Umbe hein nezineg din is kedhimetayi ki Adonia, mibpelaǥuy sikandin pehendiyà te tulda te Nengazen ne migawed sikandin duen te menge sungeysungey te menge suyuk duen te pemuhatà.

1 Hadì 8:64

Dutun daan he andew, impehinungud duen te hadì sikan is lama he ziyà te egkesineruwan duen te valey te Nengazen. Ne nemuhat dan dutun te menge pemuhat he edtutungen, menge pemuhat he para gasa, wey menge tavà he pemuhat he para te meupiya he kedepità. Su sikan is brunsi he pemuhatà diyà te egkesineruwan duen te valey te Nengazen he utew zeisey ne kenà ed-ereg heini he menge pemuhat.

2 Hadì 16:14

Ne impaawè din is daan he pemuhatà he brunsi he ziyà te etuvangan te Nengazen he nekepelastar ziyà te pid-elangan te veǥu he pemuhatà wey te valey te Nengazen, ne impesavuk din diyà te egkezizaya kayi te veǥu he pemuhatà.

2 Cronica 4:1

Mibpevaal zaan si Solomon te pemuhatà he brunsi he 30 he ǥiek he kuwedradu wey 15 he ǥiek is ketikang.

Salmo 118:27

Is Nengazen, iyan sikandin Megbevayà; ne utew kiw zin mibpurungi. Ed-uwit kiw te menge subpang te kayu te kedsilibra tew te pista, ne edliǥuy kiw zuen te pemuhatà.

Exodus 27:3

Is langun he menge gelemiten dutun te pemuhatà ne brunsi, he iyan is: menge selevukà te avu, menge pala, menge yahung, menge dezekelà he tinidur he para te usa, wey is menge selevukà te vaǥa.

Exodus 29:12

Ne kuwa ka te lengesa zutun te vaka ne ipalis nu zuen te menge sungeysungey te menge suyuk duen te pemuhatà. Ne sikan is egkesamà he lengesa ivusbus nu zuen te untuzà dutun te pemuhatà.

Exodus 38:30

Migamit heini te kebaal te menge pundasyun te menge tukud duen te menge gemawan te Tulda he Edtelevukaayan. Is duma zutun, migamit te kebaal te pemuhatà he brunsi wey te menge tuuǥà kayi, wey te langun he gelemiten dutun te pemuhatà.

Leviticus 16:18

egawas sikandin duen te Utew Segradu he Lugar ne edhendiyà te pemuhatà he ziyà te ǥemawan te tulda. Ne egkuwa sikandin duen te lengesa zuen te vaka wey kambing he impemuhat ne ibpalis din duen te menge sungeysungey te menge suyuk duen te pemuhatà su wey melumpiyuwi heini.

Leviticus 4:18

Ne pelisi zin te lengesa sikan is menge sungeysungey te menge suyuk duen te pemuhatà diyà te seled te Tulda he zutun is Nengazen. Ne is egkesamà he lengesa ne iitis din diyà te zizalem duen te pemuhatà he pemuhat he edtutungen. Heini he pemuhatà, ne ziyà te uvey te ǥemawan duen te Tulda.

Leviticus 4:25

Ne itiyuk te memumuhat is tezù din duen te lengesa te kambing, ne ipalis din haazà duen te menge sungeysungey te menge suyuk duen te pemuhatà te pemuhat he edtutungen. Is egkesamà he lengesa, iitis din diyà te dizalem duen te pemuhatà.

Leviticus 4:7

Ne ebpelisan din te lengesa sikan is menge sungeysungey te menge suyuk duen te pemuhatà he tutungà te veyewà diyà te seled te Tulda he zutun is Nengazen. Ne sikan is egkesamà he lengesa zuen te vaka ne id-itis din diyà te dizalem duen te pemuhatà he pemuhat he edtutungen. Heini he pemuhatà ne ziyà te uvey te ǥemawan te Tulda.

Leviticus 8:15

Midlapà ni Moises haazà is baka ne migkuwa sikandin te lengesa kayi. Intiyuk din is tezù din duen te lengesa, ne mibpelisan din sikan is menge sungeysungey te menge suyuk te pemuhatà he iyan kedlumpiyuwi kayi. Ne in-itis dutun is nesamà he lengesa diyà te zizalem duen te pemuhatà. Iyan heini paaǥi te kebpehinunguza zin duen te pemuhatà diyà te Nengazen, su para mehimu heini he ereg he ebpekelibri te mekesesalà.

Zacarias 9:15

Ebpengelangan te Nengazen he Mekeǥeǥehem is menge etew zin. Bà dan dà edtekutaki is menge vatu he idlempawes kandan te menge kuntada zan. Egkaan dan wey ed-inum dan te kedsilibra te kezeeǥan dan. Ed-ugyab sikandan he henduen be te egkengelangut. Egkepenù is getek dan te inumen iring te yehung he egkepenù te lengesa he ibpirik diyà te purù te menge suyuk te pemuhata.

Numero 3:31

Iyan sikandan daan midseriǥan te ked-atur te menge himan duen te Tulda he Edtelevukaayan he iyan is: Kavan te Kebpekid-uyun, lemisahan, selevukà te sulù, menge pemuhatà, menge gelemiten he egemiten te menge memumuhat emun ebaal zan te vuluhaten dan, wey zuen te kurtina ziyà te seled te Tulda. Kandan he ketengdanan is langun he vuluhaten he egkeǥemitan kayi he menge gelemiten.