Exodus 17:6 - Manobo Western Bukidnon OT

⁶ Edtaǥazan ku sikew ziyà te vatu ziyà te Horeb. Emun dutun ke en, legkuta nu haazà is batu, ne edtudà puun dutun is wahig su wey zuen egkeinum keniyan te menge etew.” Ne mid-ulaula ni Moises haazà dutun te etuvangan te menge edumala te Israel.

Exodus 17:6 ပူးပေါင်းရင်းမြစ်များ

Nehemias 9:15

Hein egkevitil sikandan, mibeǥayan nu sikandan te keenen he ebpuun te langit. Ne hein egkemezahan sikandan, impeinum nu sikandan te wahig he ebpuun diyà te vatu. Migkeǥiyan nu sikandan he selezi zan wey engkena zan is tanà he impenangdù nu he ibeǥey nu kandan.

Deuteronomio 8:15

Migiyahan kew zin diyà te meluag wey mekahahandek he sibsivayan he zuen duen edhereg he menge uled wey menge venayew. Ne wazà wahig kayi he lugar, piru mibeǥayan kew zin te wahig he ebpuun te vatu.

Salmo 105:41

Mid-ebriyan din is batu ne migawas is wahig. Ne neiring heini te wahig he edtudà su midtudà heini pehendiyà te disirtu.

Salmo 114:8

ne midhimu zin he peneng wey serebseb he edtudà sikan is lintikan he vatu.

Salmo 46:4

Duen wahig he ebpekeveǥey te kelipey ziyà te inged te Megbevayà, kes segradu he ubpeey te Utew Lavew he Megbevayà.

Salmo 78:20

Tutuu iyan he hein midtabpì din sikan is batu ne migawas is wahig, piru egkeveǥayan kiw zin be zaan buwa te supas wey usa is menge etew zin?”

Isaias 48:21

Wazà sikandan memezahi hein mibpenguluwan sikandan te Megbevayà diyà te sibsivayan, su impetudè din puun te vatu is wahig he egkeinum dan. Impeveka zin is batu ne midlepew zutun is wahig.

Exodus 16:10

Ne zutun te kedlelaǥi ni Aaron te tivuuk he keet-etawan, midtengteng sikandan diyà te sibsivayan ne netik-ew zan maahà dutun is mekeǥeǥehem he kebpekiduma te Nengazen diyà te ǥapun.

Exodus 14:16

Ivayew nu is tuked nu ziyà te zivavew keniyan te zaǥat su wey meluwisi is egkezalandalan he tanà diyà te zizalem keniyan te zaǥat su para zutun ebayà is menge Israilihanen.

Numero 20:8

“Kuwaa nu sikan is tuked nu ne tiǥuma niw zuen te suled nu he si Aaron is langun he menge etew. Ne zutun te edtengteng dan, ne keǥiyi nu is batu he mebeǥey te wahig, ne edtudà is wahig su wey niw meveǥayi te wahig is menge etew su wey zan mekeinum duma te menge uyaǥen dan.”

Deuteronomio 1:2

(Menge 11 he andew emun edhipenawen is ebpuun te Horeb pehendiyà te Kadesh Barnea emun diyè ki ebayà te Buntud he Seir.)

Salmo 74:15

Iyan ka mibpetudà te menge serebseb wey te menge wahig he edtudà. Iyan ka mibpemazà te menge wahig he edtudà he kenà pezem egkemezahan.

Salmo 78:18

Midtivevè dan gezami is Megbevayà pinaaǥi te kebuyù dan te ampey zan he keenen.

Salmo 81:7

Hein egkereǥenan kew mid-umew a keniyu ne midlibri ku sikiyu. Ne ziyà te mid-elesan ku he kivel midtavak ku is umew niw. Ne migezaman ku sikiyu ziyà te serebseb te Meriba.