Exodus 15:5 - Manobo Western Bukidnon OT

⁵ Nengelened sikandan te mezalem he wahig; iring sikandan te vatu he inteledted diyà te mezalem.

Exodus 15:5 ပူးပေါင်းရင်းမြစ်များ

Nehemias 9:11

Midluwisan nu is nezalandalan he tanà diyà te zizalem te zaǥat diyà te etuvangan te menge etew nu su wey zan duen igkevayà. Iyan, midlened nu mulà is menge kuntada zan he edal-as kandan. Neiring sikandan te vatu he inlegdang diyà te meseleg he wahig.

Salmo 106:11

Ne nekedlikuey is wahig ne nengelened is menge kuntada zan ne wazà minsan sevaha he nelibri kandan.

Exodus 14:28

Nengelened is langun he menge sundaru te hadì te Ehipto he edal-as te menge Israilihanen ragkes en is menge pereuntud te kudà wey menge kerwahi. Wazà minsan sevaha he nesamà kandan.

Exodus 15:10

Piru senge pedhiyup nu zà ne nengelened sikandan te zaǥat. Neiring sikandan te timeǥà he inteledted diyà te mezalem.

Exodus 15:16

“Uya, utew sikandan egkulbai. Pinaaǥi te ǥehem nu ebpeketireneb sikandan iring te vatu, taman te nekesaǥad en is menge etew he midlibri nu.

Ezekiel 27:34

Piru ǥuntaan nevengkag ke en ne nekezuma te kegkelened nu ziyà te zizalem te zaǥat is menge velegyè nu wey is langun he menge terebahanti.

Jonas 2:2

Ke sikandin te, “Nengazen, edsempiten ku sikew tenged te kemereǥenan he neeǥiyan ku. Ne midineg a kenikew. Ne midtevangan a kenikew hein edserupatey ad.

Micas 7:19

Egkeumanan key kenikew egkehizuwi ne id-awè nu is langun he menge salè dey. Iring dà te edtekutakan nu heini ne idtimbag nu ziyà te kezeleman te zaǥat.