Exodus 14:9 - Manobo Western Bukidnon OT

⁹ Is menge Ehiptohanen he miduma te kedal-as iyan is menge sundaru te hadì duma is menge pereuntud din te kudà wey menge kerwahi. Ne ziyè dan meseuti is menge Israilihanen te kampu zan he kilid te Zaǥat he Meriǥà wey uvey te Pi Hahirot, he atbang te Baal Zefon.

Exodus 14:9 ပူးပေါင်းရင်းမြစ်များ

Exodus 15:9

Mibpegalbu is kuntada tew, ke sikandin te, ‘Edel-asen ku sikandan ne edekepen ku; ebehinen ku is ketiǥeyunan dan ne ebpurungan ku heini ebpemulpulusi. Edhulevuten ku is ispada ku ne edèdeetan ku sikandan.’

Josue 24:6

Piru hein nekeume en diyà te Zaǥat he Meriǥà is menge kepuun niw, midal-as sikandan te menge Ehiptohanen he ebpemen-untud te menge kerwahi zan wey menge kudè dan. Mibpetavang dan kedì, umbe insavuk ku ziyà te mid-elangan dan wey te menge Ehiptohanen is merusirem. Ne midlened ku is menge Ehiptohanen dutun te zaǥat. Neehè niw en is mibeelan ku ziyà te menge Ehiptohanen. Ne mid-ubpè kew ziyà te sibsivayan seled te meluǥayad he timpu.

Exodus 14:2

“Keǥiyi nu is menge Israilihanen he medlikù dan, ne ziyè dan megkampu te uvey te Pi Hahirot, diyà te mid-elangan te Migdol wey Zaǥat he Meriǥà. Uvey heini te zaǥat ne egkaatbang din is Baal Zefon.

Exodus 13:18

Ne tenged kayi, ziyà sikandan ipevayà te Megbevayà te ibayà he ibpehendiyà te Zaǥat he Meriǥà he ziyà ebpekevayà te sibsivayan minsan pa te mekived haazà he zalan. Dutun te kedhipanew te menge Israilihanen puun diyà te Ehipto neǥumeenan sikandan para te kebpekidtebek.

Numero 33:7

Puun te Etam, midlikù dan diyà te Pi Hahirot he ziyà te zapit te edsilaan te Baal Zefon, ne migkampu zan diyà te uvey te Migdol.