Exodus 11:2 - Manobo Western Bukidnon OT

² Keǥiyi nu is menge Israilihanen, maama wey vahi, he mebuyù sikandan te menge elahas he pelata wey menge elahas he vulawan diyà te menge siringan dan he Ehiptohanen.”

Exodus 11:2 ပူးပေါင်းရင်းမြစ်များ

Genesis 24:53

Ne zutun migkuwa zin haazà is uwiten din he menge elahas he pelata ragkes is menge visti, ne imbeǥey zin ki Rebeka. Mibeǥayan din daan te mahalen he menge gasa he inggasa zin dutun te menge suled wey iney ni Rebeka.

Genesis 31:9

Ne pinaaǥi zutun migkuwa te Megbevayà is menge uyaǥen te amey niw ne imbeǥey zin kediey.”

Salmo 105:37

Ne impeǥawas din is menge tig-Israel puun te Ehipto, ne wazà sikandan memenu, kekenà, nekeuwit dan pa te menge pelata wey menge vulawan.

Salmo 24:1

Is kelibutan wey is langun he ed-ubpà kayi, ne gaked te Nengazen.

Exodus 3:21

Ne ebpengelinteuwan ku he megkelelaǥan is menge Ehiptohanen diyà te keniyu su para zuen niw egkeuwit dutun te kegenat niw.

Exodus 3:22

Dutun he timpu, is kada vahi keniyu, mebuyù diyà te Ehiptohanen he siringan din he vahi wey meǥeliyug dutun te siringan din te menge elahas he pelata wey vulawan wey manggad he igkepevisti niw te menge anak niw. Pinaaǥi kayi egkepenevanan niw is menge Ehiptohanen.”

Exodus 32:24

Ne impeuwit ku kandan kayi te kedì is menge zayandayan dan he vulawan, ne sikan is duen dan, mibpemul-ut dan, ne imbeǥey zan kedì ne midtunew ku haazà diyà te hapuy ne pinaaǥi zutun nehimu is ledawan te tudu he vaka.”

Exodus 35:22

Is langun he egkesuat he edhalad, maama wey vahi, mid-uwit te menge mahalen he menge lipit, menge eritis, menge rintì, wey nekedseselekawà he klasi te menge elahas he vulawan. Mid-uwit dan is menge vulawan dan su impemuhat dan he pemuhat he ibayew ziyà te Nengazen.

Erubasa 13:22

Is ketiǥeyunan te etew he metazeng ne egkepengevilin te menge apù din, iyan, is azen te mekesesalà, iyan ebpekaangken duen is menge metazeng.

Haggai 2:8

Egkehimu heini su is menge pelata wey menge vulawan, ne kediey man.