Exodus 10:8 - Manobo Western Bukidnon OT

⁸ Umbe, impelikù dutun te hadì si Moises wey si Aaron, ne migkaǥi haazà is hadì diyà te kandan te, “Egkehimu en he egenat kew te ked-azap te Nengazen he Megbevayè niw, piru id-insè ku keniyu ke hentei keniyu is eduma te egenat?”

Exodus 10:8 ပူးပေါင်းရင်းမြစ်များ

Exodus 10:16

Ne tenged dutun migègaanan pesuǥui te hadì si Moises wey si Aaron, ne ke sikandin diyà te kandan te, “Nekesalà a ziyà te Nengazen he iyan Megbevayè niw wey ziyà daan te keniyu.

Exodus 10:24

Ne mibpesuǥuan te hadì si Moises ne migkeǥiyan din te, “Genat kew en! Ezapa niw en is Nengazen, su elin ku en ibpezuma keniyu is menge pemilya niw, iyan dà itaǥak niw is menge uyaǥen niw.”

Exodus 12:31

Dutun he kezukileman, mibpesuǥuan te hadì si Moises wey si Aaron ne ke sikandin diyà te kandan te, “Sigi, genat kew en! Ewai niw en heini is nasyun ku. Genat kew en wey niw maazap is Nengazen, su iyan heeyan edtulungan niw edhengyua.

Exodus 8:25

Ne mibpesuǥuan te hadì si Moises wey si Aaron ne ke sikandin diyà te kandan te, “Genat kew en, pemuhata niw is Megbevayà, piru kayi kew zà te seled te Ehipto.”

Exodus 8:8

Ne mibpesuǥuan te hadì te Ehipto si Moises wey si Aaron ne migkeǥiyan din te, “Ampù kew ziyà te Nengazen he iawè din heini is menge vakbak kayi te kediey wey te menge etew ku, ne edtuǥutan ku te kegenat is menge zuma niw su wey zan mepemuhat is Nengazen.”

Exodus 9:28

Iampù niw ziyà te Nengazen he ipeengked din en heini is gerabi he veransì wey giyew. Ne human ku en sikiyu edtuǥuti te kedhipanew; kenè kew en ereg he ed-ubpè pa kayi.”