Exodus 10:3 - Manobo Western Bukidnon OT

³ Ne midhendiyà si Moises wey si Aaron te hadì ne migkeǥiyan dan sikandin te, “Iyan heini migkaǥi te Nengazen he iyan Megbevayà te menge Hebriyuhanen, ‘Sengemenu kun is keluǥayad te kebpelavew nu ziyà te etuvangan ku? Tuǥuti nu te kegenat is menge etew ku su wey zan mekaazap kedì.

Exodus 10:3 ပူးပေါင်းရင်းမြစ်များ

1 Hadì 18:21

Mid-uvey si Elias diyà te menge etew is migkaǥi te, “Sengemenu keluǥayad is kedsunud niw te zezuwa he tuluuwen? Emun iyan Megbevayà is Nengazen ne sunuza niw sikandin piru emun iyan Megbevayà si Baal ne iyan niw sunuza.” Piru wazà medtavak is menge etew.

1 Hadì 21:29

“Neehè nu ve ke sengemenu is kebpekevavà ni Ahab diyà te etuvangan ku? Tenged te kebpekevavè din, kenè ku ibpaaǥi is kezeetan dutun te kandin he timpu, ibpaaǥi ku is kezeetan diyà te pemilya zin emun iyan en edhadì is anak din.”

2 Hadì 22:19

Mibpemineg ku is pengemuyù nu tenged te kedsendit nu wey kebpekevevaa nu te keugelingen nu ziyà te etuvangan ku hein nezineg nu is migkaǥi ku he ebpekesuǥat kayi he lugar wey te menge meǥinged kayi, he edrewakan wey edezeetan heini he lugar. Mibindas nu is kumbalè nu wey midsineǥew ka ziyà te etuvangan ku su nekedsendit ka. Umbe siak is Nengazen migkaǥi a te,

2 Cronica 33:12

Ne tenged te kedlised din, ne wazè en human sikandin mebpelavew, ne mibpehizuhizu sikandin te Nengazen he Megbevayè din, he Megbevayà daan te menge kepuun din.

2 Cronica 33:19

Is pengemuyù ni Manase wey is tavak te Nengazen kandin, ragkes en is langun he menge salè din wey menge kedsupak din te Nengazen, ne ingkesurat diyà te libru te menge ebpeneuven. Ingkelista zaan kayi is menge lugar he mibpehitindeǥan din te menge simbahan, te menge tukud he simbulu te vahi he ed-ezapen he si Ashera, wey is duma pa he menge ed-ezapen he mid-azap din dutun te kemulu pa sikandin ebpelavew ziyà te etuvangan te Megbevayà.

2 Cronica 34:27

Mibpemineg ku is pengemuyù nu tenged te kedsendit nu wey kebpekevevaa nu te keugelingen nu ziyà te etuvangan ku hein nezineg nu is migkaǥi ku he ebpekesuǥat kayi he lugar wey te menge meǥinged kayi. Mibindas nu is kumbalè nu wey midsineǥew ka ziyà te etuvangan ku su nekedsendit ka. Umbe siak is Nengazen migkaǥi a te

2 Cronica 7:14

emun is menge etew he mid-umew ku kenà ebpelavew, ne ebpengemuyù wey ed-aput kayi te kedì, ne ed-iniyuǥan dan is menge mezaat he menge ulaula zan, ebpemineǥen ku sikandan kayi te langit ne ebpeseyluwen ku is menge salè dan, ne idlikù ku is uzar te menge tanè dan.

Job 42:6

Umbe, ingkeeled ku is langun he mibpengaǥi ku mehitenged kenikew, ne idsendit ku haazà pinaaǥi te kebpinuu ku ziyà te eliyavuk wey avu.”

Exodus 10:4

Ne emun kenè nu edtuǥutan te kegenat is menge etew ku, ibpeseǥazan ku keeselem te menge etew nu kayi te Ehipto is pigada pinaaǥi te terapan.

Exodus 16:28

Ne migkaǥi is Nengazen diyà te ki Moises te, “Sengemenu keluǥayad is kedsupaka kayi te menge etew te menge suǥù ku wey menge penurù ku?

Exodus 4:23

umbe, migkeǥiyan ku sikew he tuǥuti nu he mekeǥenat heeyan is anak ku su wey mekaazap kedì. Iyan, wazè nu tuǥuti he mekeǥenat, umbe edhimetayan ku is kakey he anak nu he maama!’ ”

Exodus 5:1

Ne midhendiyà si Moises wey si Aaron te hadì te Ehipto, ne migkeǥiyan dan te, “Iyan heini migkaǥi te Nengazen he Megbevayà te Israel: ‘Tuǥuti nu he mekeǥenat is menge etew ku, su wey zan mekesilibra te pista para kedì diyà te sibsivayan.’ ”

Exodus 9:17

Piru kemulu nu egkuntedaha is menge etew ku, wey kenè nu sikandan edtuǥutan te kegenat.

Erubasa 1:22

“Sikiyu is menge wazè din hanew, taman te taman en be he iring kew keniyan? Sikiyu is menge mesudì, taman te taman en be is kegkelipey niw te kedsudì? Sikiyu is menge tulebung, taman te taman en be he kenè kew egkesuat he mebmetau?

Erubasa 1:24

Tenged te kenè kew ebpezumazuma te ked-umew ku wey kenà a keniyu edseǥipaan,

Erubasa 18:12

Is kebpelavew te etew ebpekezezaat kandin, iyan, edeliǥen mulà is etew he kenà mepelevawen.

Isaias 1:5

Menge tig-Israel, maan is mibpedayun kew mebpekidsukulà? Egkesuat kew ve he edsilutan? Iring kew te etew he nepurung te palì is ulu zin wey utew mesakit is gehinawa zin.

Isaias 2:11

Egkeuma is andew he iyan dà is Nengazen edeliǥen. Ibpekevavè din is ked-etew te menge hembugiru wey menge mepelevawen.

Jeremias 13:10

Heini is lalung he menge etew kenè dan edtuman te menge lalag ku. Ebpezumdumahan dan is kenà kegkemepezumdumahan te gehinawa zan, ne ebpenilbi zan wey ed-azap te zuma he menge ed-ezapen. Ne egkeiring sikandan te vahag he wazè din en pulus.

Jeremias 13:18

Midsuǥù a te Nengazen te kegkaǥi ziyà te hadì wey ziyà te iney zin he mebpenaug en sikandan diyà te pinuuwè te kedhadi dan su hapit en id-awà diyà te kandan is mekempet he menge kuruna zan.

Jeremias 50:29

“Ipesurung niw te menge mememanà is Babilonia! Peliǥuwi niw para wazà ebpekepelaǥuy. Belesi niw sikandin sumalà te mibeelan din. Beeli niw ziyà te kandin is mibeelan din diyà te zuma, su midsukulan din is Nengazen, kes Waǥas he Megbevayà te Israel.

Ezekiel 5:6

Piru midrapas din is menge suǥù ku, ne midsubra pa is kandin he kelelalung te kelelalung te zuma he menge nasyun diyà te peliǥuy zin. Inselikwey zin is menge suǥù ku wey menge sulunuzen.

Daniel 5:22

“Ne sikew, Hadì Belshazar is anak din, minsan pa te netuenan nu heini is langun, ne mibpelavew ka gihapun,

Numero 14:27

“Keenu en buwa ed-engked he edriklamu kuntra kedì heini is lalung he menge etew? Nezineg ku is menge riklamu kayi te menge Israilihanen he menge riklemedur.